26.11.2024 | 12:57
Խնջույք ֆիննախի համար՝ նախարարի առանձնատանը գործող «Վարդենի» հյուրատանը. ՓՊ-ն՝ FactorTV-ի հոդվածի հետքերով. ՏԵՍԱՆՅՈՒԹ
Ջո Բայդենը բացել է «Հանուն ժողովրդավարության» վիրտուալ համաժողովը
Քաղաքականություն
09.12.2021 | 17:46
ԱՄՆ նախագահ Ջո Բայդենը բացել է «Հանուն ժողովրդավարության» վիրտուալ համաժողովը, որը կազմակերպվել է Միացյալ Նահանգների կողմից շուրջ 110 երկրի մասնակցությամբ։
«Ես վաղուց էի ծրագրել այս հանդիպումը մեկ պարզ պատճառով. ի դեմս ամբողջ աշխարհում ժողովրդավարության և մարդու համընդհանուր իրավունքների մշտական մարտահրավերների՝ ժողովրդավարությունը կարիք ունի նրանց, ովքեր կպաշտպանեն այն։ Ես ցանկանում էի հյուրընկալել այս գագաթնաժողովը, քանի որ այստեղ՝ Միացյալ Նահանգներում, մենք, ինչպես մյուսները, լավ գիտենք, որ մեր ժողովրդավարությունը և ժողովրդավարական ինստիտուտների ամրապնդումը մշտական ջանքեր են պահանջում»,- ասել է Բայդենը՝ քննաատելով աշխարհի ավտորիտար ռեժիմներին ու նրանց կոնսենսուսի և համագործակցության կոչ անելով։
Հիշեցնենք, որ համաժողովի հրավիրյալների թվում է նաև Հայաստանը։ Մեր հարևաններից համաժողովին մասնակցում է միայն Վրաստանը։ Հրապարակված ցուցակում ներառված չեն ո՛չ Ադրբեջանը, ո՛չ Թուրքիան, ո՛չ Իրանը։ Նախկին ԽՍՀՄ տարածքից, Մերձբալթյան երկրներից բացի, հրավիրվել են միայն Հայաստանը, Վրաստանը, Մոլդովան և Ուկրաինան։ Ռուսաստանից բացի՝ հրավեր չի ստացել նաև Չինաստանը։
Տաթև Ֆռանգյան
