14.09.2026 | 14:15
Պատմական ռեկորդ․ Հովհաննես Գաբրիելյանը լողալով հատել է Սևանա լիճն իր ողջ երկայնքով
Իրանը ամերիկյան ընկերությունների և քաղաքացիների դեմ իր պատժամիջոցների ցանկը կկազմի
Քաղաքականություն
09.12.2021 | 15:15
Իրանի իշխանությունները մտադիր են պատժամիջոցների ցանկ կազմել ամերիկյան այն ընկերությունների և քաղաքացիների դեմ, որոնք ներգրավված են մարդու իրավունքների լուրջ խախտման մեջ։ IRNA-ի հաղորդմամբ՝ այս նախաձեռնության մասին հայտարարել է Իրանի դատական դեպարտամենտի ղեկավարի միջազգային հարցերով տեղակալ, Մարդու իրավունքների գրասենյակի գլխավոր քարտուղար Քազեմ Ղարիբաբադին։
Նրա խոսքով՝ «ԱՄՆ-ի հակաիրանական պատժամիջոցների և Իրանի վրա առավելագույն ճնշումների քաղաքականությունը ձախողված է»։
«Միացյալ Նահանգները պատժամիջոցներ է կիրառում՝ իր քաղաքական նպատակներին հասնելու համար: Մոտ ապագայում մենք կհրապարակենք ամերիկյան կազմակերպությունների և անհատների ցուցակը, որոնք ներգրավված են մարդու իրավունքների լուրջ խախտումների մեջ: Իրանը պատժամիջոցներ կկիրառի այդ անձանց և կառույցների դեմ»,- ասել է Քազեմ Ղարիբաբադին։
Խոսելով Թեհրանի դեմ Վաշինգտոնի պատժամիջոցների մասին՝ պաշտոնյան նշել է, որ նման ճնշումը «վտանգներ է ստեղծել Իրանի ժողովրդի համար՝ իրանական կլինիկաներում գտնվող հիվանդներին թողնելով առանց դեղամիջոցների և բժշկական սարքավորումների»։
Տաթև Ֆռանգյան
