06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Ավստրալիան հայտարարել է Պեկինի Օլիմպիական խաղերի դիվանագիտական բոյկոտի մասին
Քաղաքականություն
08.12.2021 | 23:00
Ավստրալիայի վարչապետ Սքոթ Մորիսոնը հայտարարել է, որ երկիրը միացել է Օլիմպիական խաղերի քաղաքական բոյկոտին, ինչի մասին ավելի վաղ հայտնել էին ԱՄՆ իշխանությունները, գրում է Reusters-ը։
Պատճառը, ըստ Մորիսոնի, Չինաստանում մարդու իրավունքների խախտումներն են։ Ավստրալիայի վարչապետը նշել է, որ որոշման վրա ազդել են նաև Չինաստանի իշխանությունների գործողությունները ավստրալական ապրանքների ներմուծման դեմ։
Ավստրալիայի Օլիմպիական կոմիտեն հայտնել է, որ մարզիկները, ամեն դեպքում, կմեկնեն խաղերին, իսկ դիվանագիտական հարաբերությունները երկու երկրների կառավարությունների մտահոգությունն են։ Ավստրալիայում Չինաստանի դեսպանատան ներկայացուցիչները հայտնել են, որ երկրի իշխանությունները զբաղված են «քաղաքական կեցվածքի ցուցադրությամբ»։ Չինացիներն արձագանքել են նաև ԱՄՆ իշխանությունների բոյկոտին․ Վաշինգտոնում Չինաստանի դեսպանատան ներկայացուցիչները որոշումը որակել են քաղաքական շահարկում և օլիմպիական ոգու խախտում։
Տաթև Ֆռանգյան
