11.10.2026 | 19:27
Կապանում ավտոմեքենան ընկել է Ողջի գետը
Խորհրդարանը հյուրընկալել է Հայաստանի մարզերի, սահմանամերձ գյուղերի երեխաներին
07.12.2021 | 17:41
Ազգային ժողովը դեկտեմբերի 7-ին «Բաց դաս» ծրագրի շրջանակում հյուրընկալել է Հայաստանի մարզերի, սահմանամերձ գյուղերի երեխաներին, ինչպես նաեւ ԵՊԲՀ «Հերացի» ավագ դպրոցի աշակերտներին ու ուսուցիչներին. տեղեկացնում են ՀՀ ԱԺ-ից։
Հյուրերը նիստերի դահլիճի օթյակից հետեւել են ԱԺ նիստերի աշխատանքին, այցելել գրադարան ու թանգարան:
ՀՀ ԱԺ «Քաղաքացիական պայմանագիր» խմբակցության պատգամավոր Վաղարշակ Հակոբյանը հանդիպել է Հայաստանի մարզերի, սահմանամերձ գյուղերի երեխաների հետ:
Պատգամավորը ներկայացրել է ԱԺ գործունեությունը, կառուցվածքը, ինչպես նաեւ անդրադարձել հայ-ռուսական հարաբերություններին: Վաղարշակ Հակոբյանն աշակերտներին պատմել է իր երազանքների մասին՝ մասնավորապես, թոշակառուներին անհոգ կյանք պարգեւելու մասին: Վաղարշակ Հակոբյանի կարծիքով՝ մեր երկիրն արդեն գնում է այդ ճանապարհով եւ լիահույս է, որ տարիների ընթացքում բոլոր հարցերը կկարգավորվեն:
Հյուրերը հետաքրքվել են պատգամավորի կենսագրական տվյալներով, հարցեր ուղղել պատգամավոր դառնալու ցանկության մասին: Վաղարշակ Հակոբյանը ներկայացրել է օրենսդիր մարմնի աշխատանքի կարեւորությունն ու պատասխանատվությունը:
Նա հորդորել է աշակերտներին լավ սովորել, քանզի չի բացառվում, որ մի օր հնարավոր է նրանք եւս դառնան պատգամավոր: Այս համատեքստում կարեւորելով պատգամավորների սերնդափոխությունը:
Հյուրերն իրենց շրջայցը եզրափակել են ավանդական լուսանկարով:
