07.11.2024 | 15:31
Թրամփը կարող է Ուկրաինային առաջարկել 20 տարով հրաժարվել ՆԱՏՕ-ին անդամակցելուց և սառեցնել պատերազմը ռազմաճակատի գծով․ WSJ
ԱՄՆ-ի ու եվրոպական 4 երկրների ղեկավարները մտահոգություն են հայտնել Ուկրաինայի հետ կապված ՌԴ-ի կոշտ հռետորաբանության կապակցությամբ
Քաղաքականություն
07.12.2021 | 14:16
ԱՄՆ-ի, Մեծ Բրիտանիայի, Իտալիայի, Ֆրանսիայի և Գերմանիայի առաջնորդները նախօրեին հեռախոսազրույցում մտահոգություն են հայտնել ՌԴ-ի՝ Ուկրաինայի հետ կապված օրեցօր ավելի կոշտ հռետորաբանության կապակցությամբ։ Այս մասին գրում է ՏԱՍՍ-ը՝ վկայակոչելով Սպիտակ տան մամուլի ծառայությունը։
«Առաջնորդները քննարկել են Ուկրաիայի հետ սահմանին ՌԴ զինված ուժերի կուտակման ընդհանուր մտահոգությունը, ինչպես նաև Ռուսաստանի ավելի կոշտ հռետորաբանությունը»,- ասվում է հողարդագրության մեջ։
Սպիտակ տունը նշում է նաև, որ Բրիտանիայի վարչապետ Բորիս Ջոնսոնը, Իտալիայի վարչապետ Մարիո Դրագին, ԱՄՆ նախագահ Ջո Բայդենը, Ֆրանսիայի նախագահ Էմանուել Մակրոնն ու Գերմանիայի կանցլերի պաշտոնակատար Անգելա Մերկելը կոչ են արել Ռուսաստանին՝ ապաէսկալացնել լարվածությունը և համաձայնել են, որ դիվանագիտությունը, հատկապես՝ Նորմանդյան ձևաչափի շրջանակում, Դոնբասում հակամարտության կարգավորման միակ լուծումն է՝ Մինսկի համաձայնագրերի կատարման միջոցով։
Բացի այդ, կողմերն ընդգծել են իրենց աջակցությունը Ուկրաինայի ինքնիշխանությանն ու տարածքային ամբողջականությանը։
«Նրանք պայմանավորվել են, որ իրենց թիմերը սերտ կապ են պահպանելու, այդ թվում՝ ՆԱՏՕ-ի դաշնակիցների ու ԵՄ գործընկերների հետ խորհրդակցությունների միջոցով՝ կապված համակարգված ու համապարփակ մոտեցման հետ»,- ասվում է հաղորդագրության մեջ։
Էմմա Չոբանյան
