19.12.2025 | 12:45
Լավագույն հոդված՝ բնապահպանական թեմաներով․ Factor.am-ն արժանացել է մրցանակի
Ֆրանսիայում պայթյուն է որոտացել բնակելի շենքում. փլատակների տակ ողջ մնացածների են փնտրում
Քաղաքականություն
07.12.2021 | 13:35
Ֆրանսիայի հարավում գտնվող Սանարի-սյուր-Մեր մունիցիպալիտետում պայթյուն է որոտացել եռահարկ շենքում։ Այս մասին դեկտեմբերի 7-ին հայտնել է BFM TV-ն։
Պայթյունը տեղի է ունեցել գիշերը՝ ժամը 03:50-ի սահմաններում, այն հանգեցրել է նավահանգստային թաղամասում բնակելի շենքի փլուզման։
«Դեպքի վայր ժամանած փրկարարական ծառայության աշխատակիցները գազի ուժեղ հոտ են զգացել»,- հայտնել են տեղի իշխանությունները։
4 մարդու արդեն տեղափոխել են արտակարգ օգնության ծառայություն, ևս 5 մարդ կարող է գտնվել փլատակների տակ, սակայն տուժածների հստակ թիվը դեռևս պարզ չէ։
Այժմ դեպքի վայրում շարունակում են աշխատել հրշեջներն ու վթարային հետևանքները վերացնելու գործով մասնագետների թիմը։
Տաթև Ֆռանգյան
