18.03.2026 | 19:22
Իրանը սպառնում է Կատարի, Սաուդյան Արաբիայի և ԱՄԷ-ի էներգետիկ ակտիվներին՝ իր գազի հանքավայրի վրա հարձակումից հետո
«Human Rights Watch»-ը Թուրքիայի զինուժին մեղադրել է Աֆրինի բնակչության գույքը թալանելու մեջ
Քաղաքականություն
09.04.2018 | 18:56
«Human Rights Watch» (HRW) միջազգային իրավապաշտպան կազմակերպությունը հայտարարություն է տարածել, որի համաձայն՝ Աֆրինի բնակչության դրությունը Թուրքիայի ռազմական գործողությունների հետևանքով ավելի է վատացել. փոխանցում է ermenihaber-ը:
«Մարդու իրավունքների պաշտպանության դիտորդական կազմակերպությունը տեղեկացնում է, որ Թուրքիայի զինուժը և մի շարք զինված խմբավորումներ, Աֆրին քաղաքում և վերջինիս շրջակա գյուղերում թալան իրականացնելով և ոչնչացնելով տեղի խաղաղ բնակչության գույքը, վատթարացնում են բնակիչների դրությունը։ Աֆրինն իրենց վերահսկողության տակ պահող Թուրքիայի զինուժը և ընդդիմադիր խմբավորումները պետք է դադարեցնեն թալանն ու բացատրություն տան պատճառած վնասի համար»:
Նշվել է, որ Աֆրինից հեռացող բնակչությունը հաճախ անցնում է այնպիսի վայրերով, որտեղ բավարար չափով չկա դեղորայք, խմելու ջուր, ինչպես նաև սննդամթերք։
