27.11.2024 | 14:43
Դատախազության աշխատանքից գոհ քաղաքացիների թիվը 5 տոկոսով աճել է. դատախազ․ ՏԵՍԱՆՅՈՒԹ
Ղրիմի ափերին ԱՄՆ հետախուզական ինքնաթիռ են նկատել, որը հետո մոտեցել է Հայաստանի և Ադրբեջանի սահմանին
Քաղաքականություն
06.12.2021 | 13:17
ԱՄՆ ռազմաօդային ուժերի 38th RS/55th WG, Boeing RC-135V Rivet Joint ինքնաթիռը՝ HOMER79 նշանով, հետախուզական թռիչք է իրականացրել Սև ծովով՝ մոտենալով Ղրիմի ափերին։ Այս մասին գրում է ՌԻԱ Նովոստին՝ վկայակոչելով PlaneRadar-ի տվյալները։
Աղբյուրի համաձայն՝ օդանավը թռիչք է կատարել Կրետեում գտնվող ամերիկյան ավիաբազայից և սահմանի մոնիթորինգից հետո ուղևորվել Հայաստանի ու Ադրբեջանի սահմանի ուղղությամբ, ապա մտել Վրաստանի օդային տարածք։
Նշենք՝ նախօրեին էլ տեղեկություններ էին հայտնվել, որ Թել Ավիվ-Մոսկվա ուղևորատար ինքնաթիռը ուղին փոխել էր Սև ծովի վրայով՝ ամերիկյան հետախուզական ինքնաթիռի հետ վտանգավոր մերձեցումից խուսափելու համար։
Էմմա Չոբանյան
