27.11.2024 | 11:48
ՊԵԿ-ը տնտեսվարողների շրջանում իրազեկման միջոցառումներ է իրականացնում ապրանքների հսկիչ նշաններով դրոշմավորման վերաբերյալ
Ֆրանսիայում մեծ ժողովրդականություն ձեռք բերած նախագահի թեկնածու Էրիկ Զեմմուրն իր քաղաքական շարժումն է ստեղծել
Քաղաքականություն
06.12.2021 | 17:19
Ֆրանսիայի նախագահի թեկնածու Էրիկ Զեմմուրը ստեղծել է իր քաղաքական շարժումը, որը կոչվում է «Ռեկոնկիստա»։ Աջ պոպուլիստը չի թաքցնում անօրինական միգրացիայի դեմ պայքարի իր նպատակները, և վերջին ամիսներին մեծ ժողովրդականություն է ձեռք բերել նաև դրա շնորհիվ, գրում է Euronews-ը։
Կիրակի նա Փարիզի մերձակայքում անցկացրել է առաջին քարոզարշավը։ Միաժամանակ, մոտակայքում տեղի է ունեցել նրա ընդդիմադիրների երթը։ Չնայած ոստիկանների ջանքերին՝ բախումներից խուսափել չի հաջողվել․ կան տուժածներ։
«Ես ցանկանում եմ համակարգված կերպով արտաքսել բոլոր նրանց, որոնք ապօրինաբար գտնվում են մեր հողում։ Ես ցանկանում եմ արտաքսել օտարերկրյա գործազուրկներին, եթե նրանք 6 ամսվա ընթացքում չկարողանան իրենց համար տեղ գտնել։ Այլ ժողովրդավարական երկրներ այդպես են վարվում, ինչո՞ւ չենք կարող մենք էլ այդպես վարվել»,- հայտարարել է Ֆրանսիայի նախագահի թեկնածու Էրիկ Զեմմուրը։
Տաթև Ֆռանգյան
