19.11.2024 | 20:26
Կոչ ենք անում Վրաստանին վերադառնալ եվրատլանտյան ինտեգրման ուղի․ ՆԱՏՕ-ի գլխավոր քարտուղար
Պատգամավորները գործուղվել են Ստեփանակերտ. ծախսերը կիրականացնեն ոչ թե «250 հազար դրամների հաշվին», այլ լրացուցիչ փոխհատուցում կստանան
Քաղաքականություն
03.12.2021 | 22:54
ԱԺ «Քաղաքացիական պայմանագիր» խմբակցության պատգամավորներ Սիսակ Գաբրիելյանը, Թագուհի Ղազարյանը, Լիլիթ Գալստյանը, Հասմիկ Հակոբյանը, Նարեկ Բաբայանը, Հակոբ Ասլանյանը, Կնյազ Հասանովը, ինչպես նաև ԱԺ գիտության, կրթության, մշակույթի, սփյուռքի երիտասարդության և սպորտի հարցերի մշտական հանձնաժողովի քարտուղարության համակարգող, փորձագետ Մարինե Հակոբյանը և Ազգային ժողովի պատգամավորի օգնական Անուշ Բարսեղյանը, նաև Էլինար Վարդանյանը՝ «Հայաստան» խմբակցությունից, ԱԺ նախագահի պարտականությունները կատարող Հակոբ Արշակյանի որոշմամբ, գործուղվել են Ստեփանակերտ:
Ըստ որոշման՝ պատգամավորները համատեղ խորհրդարանական լսումներ են անցկացնելու Արցախում դեկտեմբերի 3-5-ն ընկած ժամանակահատվածում: Այս մասին Factor.am-ը տեղեկանում է ԱԺ կայքից:
Որոշման համաձայն՝ գործուղման հետ կապված ճանապարհածախսի, օրապահիկի և գիշերավարձի ծախսերը կիրականացվեն պետական բյուջեի հաշվին՝ ծախսերը հավաստող փաստաթղթերի հիման վրա:
Նշենք, որ 8-րդ գումարման խորհրդարանի պատգամավորները ստանում են 250 հազար դրամ պատգամավորական ծախսերի գումար: Նախկինում այդ գումարը 50 հազար դրամ էր, սակայն ՔՊ-ականները որոշեցին հնգապատկել այն:
Հետաքրքիր է, սակայն, թե ինչու գործողման ծախսերը պատգամավորները չեն իրականացնում 250 հազար դրամ հատկացումներից:
Փաստորեն, ստացվում է, որ պատգամավորական ծախսերի համար նախատեսված 250 հազար դրամ հատկացումները այսպիսի դեպքերի համար չեն: Նշենք, որ օրենքով ՔՊ-ականները իրենց ազատել են այս գումարի ծախսերի հաշվետվությունը ներկայացնելուց:
Նարեկ Կիրակոսյան
