19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
ԱՄՆ Կոնգրեսին հաջողվել է կանխել «շաթդաունը»
Քաղաքականություն
03.12.2021 | 13:36
Դեմոկրատների կողմից վերահսկվող ամերիկյան Սենատը հավանություն է տվել 2022 թվականի փետրվարի 18-ին ԱՄՆ վարչակազմի ժամանակավոր ֆինանսավորման օրինագծին: Այս փաստաթղթին կողմ է քվեարկել 69 սենատոր, դեմ՝ 28-ը։ Սա թույլ է տվել խուսափել «շաթդաունից» (պետական կառույցների աշխատանքի դադարեցումից)՝ վերջնաժամկետից ընդամենը մեկ օր առաջ, գրում է DW-ի ռուսական ծառայությունը:
Մի քանի ժամ առաջ օրինագիծն ընդունվել էր ԱՄՆ Կոնգրեսի Ներկայացուցիչների պալատի կողմից՝ 221 կողմ, 212 դեմ ձայներով։ Այժմ փաստաթուղթը պետք է ստորագրի նախագահ Ջո Բայդենը։
«Ես ուրախ եմ, որ ի վերջո ողջախոհությունը հաղթեց: Կառավարությունը կշարունակի աշխատել», – ասել է Դեմոկրատական մեծամասնության առաջնորդ Չակ Շումերը՝ Կոնգրեսի վերին պալատի անդամներին շնորհակալություն հայտնելով, որ երկիրը հետ են պահել «անխուսափելիի եզրից, անհարկի և ծախսատար շաթդաունից»։
Դաշնային կառավարության ֆինանսավորումը պետք է ավարտվեր դեկտեմբերի 3-ին, տեղական ժամանակով կեսգիշերին, սակայն Սենատի որոշ հանրապետականներ սպառնացել էին արգելափակել օրինագիծը՝ Բայդենի վարչակազմի քաղաքականությունից դժգոհ լինելու պատճառով՝ կապված կորոնավիրուսային պատվաստումների պարտադիր պահանջների հետ:
Տաթև Ֆռանգյան
