11.10.2026 | 18:49
Թրամփը կրկին հայտարարել է, որ Ռուսաստանն ու Ուկրաինան համաձայնության են եկել էներգետիկ հրադադարի շուրջ
Հրավառություն, փողոցների տոնական լուսավորություն, ամանորյա միջոցառումներ չեն լինի, սակայն կտեղադրվի երկրի գլխավոր տոնածառը. քաղաքապետարան
Հասարակություն
02.12.2021 | 15:46
Այս տարի Երևանի քաղաքապետարանը ամանորյա միջոցառումներ և հրավառություն չի կազմակերպի, փողոցների տոնական լուսավորություն չի լինի, չի գործի քաղաքապետարանի սուրբծննդյան տոնավաճառը. տեղեկացնում են Երևանի քաղաքապետարանից:
Միաժամանակ, Ամանորի և Սուրբ Ծնունդի կապակցությամբ Երևանի քաղաքապետարանը որոշել է մանուկների համար տեղադրել երկրի գլխավոր տոնածառը՝ Հանրապետության հրապարակում: Տոնածառեր կտեղադրվեն նաև վարչական շրջաններում:
Երևանի բոլոր առաջին և երկրորդ դասարանցի դպրոցականները քաղաքապետարանից հրավեր կստանան՝ դիտելու ամանորյա մանկական ներկայացումներ:
Հիշեցնենք, որ Factor.am-ը թեմայի առնչությամբ տեսանյութ էր հրապարակել «Երկրի գլխավոր տոնածառը կտեղադրվի. որքան գումար է հատկացվելու և ով է ձևավորելու այն» վերտառությամբ:
