07.11.2024 | 16:45
ԵՄ 27 երկրների առաջնորդները կքննարկեն Վրաստանում հետընտրական իրավիճակը
Բլինքենն ու Չավուշօղլուն քննարկել են Հայաստանում և Ադրբեջանում իրավիճակը
Քաղաքականություն
02.12.2021 | 12:15
ԱՄՆ պետքարտուղարի խոսնակ Նեդ Փրայսը մանրամասներ է հայտնել նախօրեին Ռիգայում ՆԱՏՕ-ի ԱԳ նախարարների հանդիպման շրջանակում ԱՄՆ պետքարտուղար Էնթոնի Բլինքենի և Թուրքիայի ԱԳ նախարար Մևլութ Չավուշօղլուի բանակցություններից։ Այս մասին տեղեկանում ենք ԱՄՆ Պետքարտուղարության պաշտոնական կայքից։
«Պետքարտուղար Բլինքենն ու ԱԳ նախարար Չավուշօղլուն քննարկել են ճգնաժամը Եթովպիայում ու միացյալ ջանքերը՝ ուղղված Սևծովյան տարածաշրջանում կայունությանը։ Քննարկվել է նաև Ռուսաստանի ագրեսիան Ուկրաինայի դեմ, իրավիճակը Հայաստանում ու Ադրբեջանում, ինչպես նաև Աֆղանստանում»,- ասվում է հաղորդագրության մեջ։
Նշվում է նաև, որ քննարկումը հիմնված է եղել նախագահներ Բայդենի ու Էրդողանի՝ Հռոմում անցյալ ամիս կայացած հանդիպման վրա՝ երկկողմ համագործակցության ու այլ առաջնահերթությունների, ներառյալ՝ ժողովրդավարության ու մարդու իրավունքների վերաբերյալ։
Էմմա Չոբանյան
