11.10.2026 | 19:47
Կապանում ավտոմեքենան ընկել է Ողջի գետը
«Ձմեռնամուտի համերգ»․ «Հովեր» պետական կամերային երգչախումբը կներկայացնի հայաստանյան պրեմիերաներ
Մշակույթ
02.12.2021 | 14:52
Դեկտեմբերի 3-ին, ժամը 19:00 Կոմիտասի անվան կամերային երաժշտության տանը տեղի կունենա «Հովեր» պետական կամերային երգչախմբի տարեվերջյան՝ «Ձմեռնամուտի համերգը»․ տեղեկացնում են Կոմիտասի անվան կամերային երաժշտության տան լրատվական ծառայությունից։
Ծրագրում ընդգրկված բոլոր ստեղծագործությունները Հայաստանում կկատարվեն առաջին անգամ։ Ծրագրում Գ․ Հոլսթի, Պ․ Հինդեմիթի, Դ․ Լիգետիի, Վ․ Տորմիսի, Ա․ Պյարտի, Վ․ Բուխենբերգի, Մ․ Օստրժիգայի ստեղծագործություններն են։
«20-րդ դարի արեւմտաեվրոպական կոմպոզիտորների խմբերգային երաժշտության յուրատեսակ էքսկուրս է լինելու։ Նրանք ստեղծագործել են նույն ժամանակաշրջանում, սակայն խոսել են «տարբեր» լեզուներով, տարբեր մտածողությամբ ու մոտեցումներով», – նշում է խմբավար Նարինե Ոսկանյանը։
Համերգի առանձնահատկություններից մեկը լեզուների բազմազանությունն է․ հնչելու են գործեր ֆրանսերենով, անգլերենով, լատիներենով, ինչպես նաեւ հունգարերենով եւ էստոներենով։
Համերգը նվիրված է Երեւանի պետական կոնսերվատորիայի 100-ամյակին։
