23.04.2026 | 18:48
Եթե իշխանափոխության համոզմունք չունենայինք, ռեսուրս ու էներգիա չէինք ծախսի. Հակոբ Կարապետյան. ՏԵՍԱՆՅՈՒԹ
Հրադադարից մեկ տարի անց իրավիճակն անհանգստացնող է․ Ադրբեջանը հռետորաբանությունը չի փոխել․ Կալիուրանդ. ՏԵՍԱՆՅՈՒԹ
Քաղաքականություն
01.12.2021 | 15:30
Եվրախորհրդարանում Արցախյան 44-օրյա պատերազմի վերաբերյալ կարծիքների փոխանակման ժամանակ էստոնացի պատգամավոր, Կովկասում ԵՄ պատվիրակության անդամ Մարինա Կալիուրանդը հայտարարել է, որ հրադադարից մեկ տարի անց իրավիճակը վատացել է։
«Հրադադարից մեկ տարի անց իրավիճակը վատացել է ու անհանգստացնող է։ Ես երկկողմ հանդիպումներ եմ ունեցել ՀՀ արտգործնախարարի, Հայաստանի ու Ադրբեջանի դեսպանների հետ: Եվ կարող եմ իմ սուբյեկտիվ կարծիքը հայտնել, որ այսօր այնքան էլ մեծ ախորժակ չեմ տեսնում հաշտեցման համար։ Երկու կողմերից էլ միմյանց հասցեին մեղադրանքներ են հնչեցվում։ Ցավոք, ադրբեջանական կողմի հռետորաբանությունը չի փոխվել։ Այս հարցում կա մի փոքր խնդիր, որն այնքան էլ փոքր չէ, ինչպես, օրինակ, Բաքվում բացված հաղթանակի հուշարձանը, որը հաստատ չի նպաստում իրավիճակի բարելավմանը»,- ասել է եվրապատգամավորը։
Նա հավելել է, որ Ադրբեջանի կողմից նոր տենդենց է նկատվում։
«Ադրբեջանը մերժում է բանակցությունների օրակարգում դնել Լեռնային Ղարաբաղի հակամարտության հարցը, նրանք փորձում են Հայաստանի ու Ադրբեջանի միջև հակամարտությունն ավելի ընդարձակ ներկայացնել։ Հայաստանի ու Ադրբեջանի՝ միջազգայնորեն ճանաչված սահմաններին վերջին միջադեպերի տենդենցը ևս մտահոգիչ է։ Դեռևս կան ռազմագերիներ ու այլ պահվող անձինք, իսկ վերջին ռազմական գործողություններից հետո դրանց թիվն ավելացել է»,- հայտարարել է Մարինա Կալիուրանդը։
Մանրամասները՝ տեսանյութում։
Տաթև Ֆռանգյան
