18.12.2025 | 12:26
Նիկոլ Փաշինյանը շնորհավորական ուղերձ է հղել Կատարի Ազգային տոնի առիթով
Թուրքիան Anka անօդաչու թռչող սարքեր է վաճառելու Ղազախստանին
Քաղաքականություն
26.11.2021 | 23:30
Թուրքիան հայրենական արտադրության 3 Anka անօդաչու թռչող սարք է վաճառելու Ղազախստանին, գրում է Ահվալ գործակալությունը՝ վկայակոչելով Daily Sabah-ը։
Նշվում է, որ բանակցությունները թուրքական պետական Turkish Aerospace Industries ընկերության ու ղազախ պաշտոնյաների միջև երկար ժամանակ շարունակվել են, ինչի արդյունքում հոկտեմբերին համաձայնագիր է ստորագրվել։ Այս գործարքը հետևում է անցյալ տարվա մայիսին Թուրքիայի և Ղազախստանի միջև ձեռք բերված ռազմական համագործակցության համաձայնագրին:
Թուրքիան անօդաչուներ է վաճառում տասնյակ երկրների։ Այնուամենայնիվ, TAI Anka-ն մինչ այժմ ավելի քիչ գնորդներ ունի, քան Bayraktar TB2-ը: Թունիսը դարձել է առաջին երկիրը, որը ձեռք է բերել Anka-ն անցյալ տարվա դեկտեմբերին, երեք ցամաքային կառավարման համակարգերի հետ մեկտեղ: Հաղորդվում է, որ թուրքական ընկերությունը բանակցություններ է վարում ևս երկու գնորդի հետ՝ Ղազախստանից բացի։
Ղազախստանը նաև հետաքրքրված է Bayraktar TB2 անօդաչուներով․ այդ երկրի ռազմական պատվիրակությունն անցյալ նոյեմբերին այցելել էր Թուրքիայի Բաթման նահանգ անօդաչու թռչող սարքերի համակարգերի բազայի հրամանատարություն։
Նշվում է, որ մինչ այս Կենտրոնական Ասիայի երկրները միայն չինական արտադրության անօդաչուներ են կիրառել։
Էմմա Չոբանյան
