15.05.2026 | 19:04
Արտերկրում խաղացող 11 ֆուտբոլիստ հրավիրվել է Հայաստանի հավաքական
Ապաշրջափակված երթուղիներով միջազգային փոխադրումները պետք է իրականացվեն կողմերից յուրաքանչյուրի ազգային օրենսդրության հիման վրա․ Զախարովա
Քաղաքականություն
25.11.2021 | 16:22
Ապաշրջափակված երթուղիներով միջազգային փոխադրումները պետք է իրականացվեն միջազգային պայմանագրերի և կողմերից յուրաքանչյուրի ազգային օրենսդրության հիման վրա։ Այս մասին ամենշաբաթյա ճեպազրույցի ժամանակ հայտարարել է ՌԴ ԱԳՆ մամուլի խոսնակ Մարիա Զախարովան՝ նշելով, որ Ռուսաստանը լավ հեռանկար է տեսնում Հարավային Կովկասում տրանսպորտային միջոցների ապաշրջափակման հարցում։
«Տարածաշրջանում մենք տեսնում ենք տրանսպորտային կապերի ապաշրջափակման լավ հեռանկարներ՝ հաշվի առնելով բոլոր կողմերի շահերի հավասարակշռությունը։ Մենք ելնում ենք նրանից, որ ապաշրջափակված երթուղիներով միջազգային փոխադրումները պետք է իրականացվեն միջազգային պայմանագրերի և կողմերից յուրաքանչյուրի ազգային օրենսդրության հիման վրա»,- ասել է ՌԴ ԱԳՆ պաշտոնական ներկայացուցիչը։
Զախարովան նշել է, որ Մոսկվան կողմ է այն պայմանավորվածությունների հետևողական իրականացմանը, որոնք ձեռք են բերվել ամենաբարձր մակարդակով 2020 թվականի նոյեմբերի 9-ին և 2021 թվականի հունվարի 11-ին։ Դրանք, ի թիվս այլոց, վերաբերում են Հարավային Կովկասում տնտեսական և տրանսպորտային կապերի ապաշրջափակմանը։ Այս խնդրով զբաղվում է եռակողմ աշխատանքային խումբը՝ երեք երկրների փոխվարչապետների գլխավորությամբ։
Տաթև Ֆռանգյան
