Քաղաքականություն
25.11.2021 | 14:19«Ադրբեջան- Իրան հարաբերություններում առկա խնդիրները չեն լուծվել մինչ այսօր: Բայց իրանցիներն աշխատում են «մտրակի և քաղցրաբլիթի» քաղաքականությամբ և, ըստ էության, մտրակի քաղաքականությունից հետո այժմ Ադրբեջանին առաջարկում են «քաղցրաբլիթը»: Դա չի նշանակում, որ Իրան – Ադրբեջան հարաբերություններում խնդիրները լուծվել են: Ադրբեջանաիրանական սահմանը վերահսկվում է ուժեղացված ռազմական միավորների կողմից»,- այս մասին լրագրողների հետ զրույցում նշեց իրանագետ Վարդան Ոսկանյանը:
Նրա խոսքով՝ իրանական կողմը հստակ արձանագրում է Հայաստանի Հանրապետության ինքնիշխան տարածքի նկատմամբ նկրտումների բացառումն Ադրբեջանի կողմից, խոսվում է կարմիր գծերի, միջազգային սահմանների անփոփոխելիության մասին:
Իրանագետի կարծիքով՝ պետք է ձևավորել հայ-իրանական հակաահաբեկչական ինչ-որ կառույց, որը զորախումբ կունենա:
Մանրամասները՝ տեսանյութում:
