14.09.2026 | 10:00
ԱԺ քառօրյայի մեկնարկը` ՈՒՂԻՂ
Վրաստանը վերահաստատել է, որ չի դիտարկում «3+3» ձևաչափին մասնակցելու հնարավորությունը
Քաղաքականություն
24.11.2021 | 21:13
Վրաստանի իշխանությունները չեն դիտարկում «3+3» բանակցային ձևաչափին մասնակցության հնարավորությունը։ Այս մասին ասվում է Վրաստանի վարչապետի՝ ՌԴ հետ հարաբերությունների կարգավորման հատուկ ներկայացուցիչ Զուրաբ Աբաշիձեի և ռուս սենատոր Գրիգորի Կարասինի բանակցությունների արդյունքներով հրապարակված հաղորդագրությունում, փոխանցում է ՏԱՍՍ-ը։
«Ռուսական կողմը հետաքրքրվել է, թե ինչպիսին է վրացական կողմի վերաբերմունքը նոր տարածաշրջանային «3+3» խորհրդատվական մեխանիզմի և այս համատեքստում կոնկրետ միջոցառումների շուրջ, որին Զուրաբ Աբաշիձեն պատասխանել է, որ վրացական կողմը չի դիտարկում նշյալ նախաձեռնությունում մասնակցության հնարավորությունը»,- ասվում է հաղորդագրության մեջ։
Հավելենք՝ ավելի վաղ Վրաստանի ԱԳՆ նախարարն էր հայտարարել, որ Թբիլիսին չի մասնակցի այդ ձևաչափին։
Նշենք, որ Արցախյան երկրորդ պատերազմից հետո տարածաշրջանի երկրները (Հայաստան, Վրաստան, Ադրբեջան և Իրան, ՌԴ, Թուրքիա) ընդգրկող «3+3» ձևաչափի ստեղծման նախաձեռնությամբ հանդես են գալիս Թուրքիան և Ադրբեջանը։ Թուրք-ադրբեջանական այս նախաձեռնությանն ակտիվորեն աջակցում է ՌԴ-ն։
Էմմա Չոբանյան
