27.11.2024 | 12:25
Վրաստանի իշխող կուսակցությունը նախագահի թեկնածու կառաջադրի նախկին ֆուտբոլիստ Միխեիլ Կավելաշվիլիին
50 ագրեսիվ միգրանտներ փորձել են Բելառուսից ներխուժել Լեհաստան․ սահմանը ապօրինի հատելու 174 փորձ է գրանցվել
Քաղաքականություն
23.11.2021 | 14:00
Լեհ սահմանապահները հայտնում են Բելառուսի տարածքից վերջին 24 ժամվա ընթացքում ապօրինի սահմանահատման 174 փորձի մասին։ Դեպքերից մեկի ժամանակ 50 հոգանոց միգրանտների խումբը փորձել է ապօրինի հատել սահմանը։ Այս մասին նոյեմբերի 23-ի առավոտյան Twitter-ում գրել է Լեհաստանի սահմանապահ ծառայությունը, փոխանցում է Unian-ը։
«Սահմանի Բիալովեզա գյուղի մոտ գտնվող հատվածում 50 ագրեսիվ օտարերկրացիներ փորձել են ճեղքել սահմանը»,- ասվում է հաղորդագրության մեջ։
Բացի այդ, Լեհաստանը որոշում է կայացրել վտարել 66 միգրանտների, որոնք, այնուամենայնիվ, կարողացել են ներխուժել երկիր։ Ոստիկանությունից հայտնել են նաև 6 վարորդի ձերբակալության մասին, որոնք օգնել են 23 միգրանտների՝ շարունակել խորանալ դեպի ԵՄ տարածք:
Հաղորդվում է, որ ձերբակալվածները Լեհաստանի, Թուրքիայի, Ղազախստանի, Ուզբեկստանի և Շրի Լանկայի քաղաքացիներ են։
Հիշեցնենք՝ Բելառուսը մայիսի վերջից խթանում է իր տարածքով միգրանտների անօրինական մուտքը Եվրամիություն։ Մինսկն այսպես է արձագանքել Բելառուսի դեմ Արևմուտքի պատժամիջոցների խստացմանը։ ԵՄ-ն այս քայլն անվանել է «հիբրիդային հարձակում»։ Միաժամանակ, Եվրամիությունը պատրաստում է պատժամիջոցների հինգերորդ փաթեթը Ալեքսանդր Լուկաշենկոյի ռեժիմի դեմ՝ միգրանտներին միության անդամների դեմ որպես գործիք օգտագործելու պատճառով։ Հատկապես վերջին շրջանում լարված իրավիճակ է լեհ-բելառուսական սահմանին։
Տաթև Ֆռանգյան
