06.05.2024 | 13:07
Իսրայելը պատրաստվում է հարձակվել Ռաֆահի վրա՝ պաղեստիներին հրամայելով տարհանվել
Եթե գերեվարված են, ապա ո՞ւմ ձեռքում են գտնվում, սրա հետ կապված խնդիրներ կան. Անդրանիկ Քոչարյանը` նոյեմբերի 16-ին անհետ կորածների մասին․ ՏԵՍԱՆՅՈՒԹ
Քաղաքականություն
23.11.2021 | 12:03
Հայաստանի սուվերեն տարածքում՝ Սյունիքում, նոյեմբերի 16-ին տեղի ունեցած մարտական գործողությունների հետևանքով զոհերի, գերեվարվածների, անհետ կորածների, վիրավորների հստակ թիվը հայտնի չէ։
Պաշտպանության նախարարությունը նոյեմբերի 17-ին հայտարարել էր, որ հայկական կողմն ունի 1 զոհված և 13 գերեվարված զինծառայող։ Եվս 24 զինծառայողի հետ կապը կորել է մարտական գործողությունների ընթացքում և նրանց ճակատագիրն այս պահին անհայտ է։ Ավելի ուշ ՊՆ-ն հրապարակեց վեց զոհվածի անուն։
ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը լրագրողների հետ զրույցում անդրադառնալով հարցին, թե ինչ տեղեկություններ կան՝ գերիների, անհետ կորածների վերաբերյալ, նշեց, որ այդ ուղղությամբ աշխատանքներ են իրականացվում:
«Գերի են, անհետ կորած են, թե զոհված են, այդ ճշգրտումները հնարավոր է մի փոքր էլ ժամանակ պահանջեն, որպեսզի վերջնական պարզ դառնա: Որևէ բան թաքցնելն անիմաստ է և անհեթեթություն է… Պետք է ճշտել նաև, որ եթե գերեվարված են, ապա ո՞ւմ ձեռքում են գտնվում, սրա հետ կապված խնդիրներ կան»,- նշեց Անդրանիկ Քոչարյանը՝ հավելելով, որ ԱԱԾ-ն այդ ուղղությամբ համապատասխան աշխատանքներ է իրականացնում:
Մանրամասները՝ տեսանյութում:
