29.06.2026 | 14:44
Իսրայելը որպես պետություն չի ճանաչել և վստահ եմ՝ չի էլ ճանաչելու Հայոց ցեղասպանությունը. Չերնամորյան. ՏԵՍԱՆՅՈՒԹ
ՀՀ մշտական ներկայացուցչի նամակը ՄԱԿ-ի ԱԽ-ին պաշտոնական փաստաթուղթ է, բայց՝ ոչ դիմում
Քաղաքականություն
22.11.2021 | 23:27
Հայաստանի տարածքի վրա Ադրբեջանի զինված հարձակման վերաբերյալ ՄԱԿ-ի Անվտանգության խորհրդի նախագահին հասցեագրված ՀՀ մշտական ներկայացուցչի նոյեմբերի 16-ի նամակը հրապարակվել է որպես ԱԽ պաշտոնական փաստաթուղթ և հասանելի է հետևյալ հղումով՝ https://undocs.org/en/S/2021/954։
Այս մասին նշված է ՄԱԿ-ում ՀՀ մշտական ներկայացուցչության ֆեյսբուքյան էջում:
Նշենք, որ վերոնշյալ փաստաթուղթը, թեև պաշտոնական բնույթ է կրում, սակայն ուղղակի դիմում չէ Հայաստանից՝ ուղղված ՄԱԿ-ի Անվտանգության խորհրդին:
Հավելենք նաև, որ նոյեմբերի 16-ին Ադրբեջանի կողմից սկսված նոր ռազմական գործողություններից հետո կառավարության անդամները, նաև՝ ԱԽ քարտուղար Արմեն Գրիգորյանը, հայտնեցին, որ հարկ եղած դեպքում կդիմեն ՄԱԿ-ի ԱԽ-ին, սակայն հայկական կողմը, ի վերջո, բավարարվեց ՄԱԿ-ի հերթական համաժողովին մեր մշտական ներկայացուցչի ելույթով, իսկ գրավոր դիմում ՀՀ կառավարության անունից այդպես էլ չուղարկվեց:
