19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Բացի զոհված տղան՝ նաև առնվազն մեկ վիրավոր ունենք. համայնքապետը՝ Նորաբակի կրակոցների մասին
Հասարակություն
22.11.2021 | 21:15
Ադրբեջանցիները թիրախավորված կրակել են մեր դիրքերի ուղղությամբ։ Այդ մասին Factor TV-ի հետ զրույցում ասաց Գեղամասար խոշորացված համայնքի ղեկավար Հակոբ Ավետյանը։
«Կրակոցների հետևանքով բացի զոհված տղան, նաև առնվազն մեկ վիրավոր ունենք»,-հայտնեց նա։ Համայնքապետի խոսքով՝ այս պահին սահմանին իրավիճակը հարաբերական խաղաղ է։ Հիշեցնենք. քիչ առաջ պաշտպանության նախարարությունից հայտնեցին, որ այսօր՝ ժամը 18։10-ի սահմաններում, Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի, մասնավորապես՝ Գեղարքունիքի մարզի Նորաբակ գյուղի հատվածում տեղակայված հայկական դիրքերի ուղղությամբ, ինչի հետևանքով մահացու հրազենային վիրավորում է ստացել ՀՀ ՊՆ N զորամասի ժամկետային զինծառայող, շարքային Սուրեն Յուրիկի Սաֆարյանը (ծնվ. 2002թ.)։
Մերի Մարտիրոսյան
