14.09.2026 | 14:15
Պատմական ռեկորդ․ Հովհաննես Գաբրիելյանը լողալով հատել է Սևանա լիճն իր ողջ երկայնքով
Իրանում սկսվել են «Ուկրաինայի միջազգային ավիաուղիներ»-ի խոցված ինքնաթիռի գործով լսումները
Քաղաքականություն
22.11.2021 | 15:51
Իրանում սկսվել են «Ուկրաինայի միջազգային ավիաուղիներ»-ի խոցված ինքնաթիռի (չվերթ PS 752) գործով լսումները։ Այս մասին այսօր հայտնել է Ուկրաինայի ԱԳՆ-ն, գրում է korrespondent-ը։
Գերատեսչությունից նշել են, որ Իրանը չի արձագանքել այս գործով միջազգային իրավական օգնության խնդրանքներին։
«Ուկրաինայի արտգործնախարությունը նաև շնորհակալություն է հայտնել Ուկրաինայի դեսպանին՝ նիստին մասնակցելու հրավերի համար։ Սրա հետ մեկտեղ, մինչ օրս քրեական գործին միջազգային իրավական օգնություն ցուցաբերելու հայցերը՝ ուղղված Իրանի Իսլամական Հանրապետության համապատասխան կոմպետենտ մարմիններին, չեն իրականացվել լիակատար կերպով, պահանջվող փաստաթղթերն ու տեղեկությունները չեն տրամադրվում իրանական կողմից։ Այս կապակցությամբ նպատակահարմար չենք համարում Ուկրաինայի դեսպանի մասնակցությունը պաշտոնական դատական նիստին, որի ժամանակ պետք է ընթերցվի մեղադրական ակտը»,- ասված է հաղորդագրության մեջ։
ԱԳՆ-ից կոչ են արել Իրանին՝ կատարել միջազգային իրավունքով իր պարտավորություններն ու տրամադրել Ուկրաինայի իրավասու մարմինների կողմից պահանջվող տեղեկությունները։
«Մեր նպատակները մնում են անփոփոխ՝ ճշմարտության բացահայտումն ու մեղավորներին պատասխանատվության ենթարկելը»,- հավելել են գրատեսչությունից։
Հիշեցնենք, որ Իրանի տարածքում խոցված ինքնաթիռում եղել է 167 ուղևոր և անձնակազմի 9 անդամ՝ Ուկրաինայի քաղաքացիներ։ Բոլորը զոհվել են։
Տաթև Ֆռանգյան
