19.12.2025 | 13:13
ՄԱԿ-ի Գլխավոր վեհաժողովը թարմացրել է Ուկրաինայում ՌԴ-ի իրականացրած խախտումների վերաբերյալ բանաձևը. ինչպես է քվեարկել ՀՀ-ն
Հայաստանը հետաքրքրված է ռուսական նորագույն «Կա-52Մ» և «Մի-28Նէ» հարվածային ուղղաթիռներով
Քաղաքականություն
22.11.2021 | 13:48
Մի շարք երկրներ, այդ թվում՝ Հայաստանը, Ղազախստանը և Արաբական Միացյալ Էմիրությունները (ԱՄԷ), հետաքրքրություն են ցուցաբերում ռուսական նորագույն «Կա-52Մ» և «Մի-28Նէ» հարվածային ուղղաթիռների նկատմամբ։ Այս մասին այսօր ՏԱՍՍ-ին տված հարցազրույցում հայտնել է «Ռոստեխ» պետական կորպորացիայի «Ռուսական ուղղաթիռներ» հոլդինգային ընկերության գլխավոր տնօրեն Անդրեյ Բոգինսկին։
Նրա խոսքով՝ Dubai Airshow 2021 միջազգային ցուցահանդեսի շրջանակում, որն անցկացվել է նոյեմբերի 14-18-ը ԱՄԷ-ում, օտարերկրյա հաճախորդների մեծ հետաքրքրություն է գրանցվել ռուսական «Կա-52Մ» և «Մի-28Նէ» մարտական ուղղաթիռների նկատմամբ։
«Պատվիրակություններ կային Հայաստանից, Ղազախստանից, Մալայզիայից, Մավրիտանիայից, ԱՄԷ-ից, Սաուդյան Արաբիայից։ Ռոսօբորոնէքսպորտի գործընկերներն ակտիվորեն աշխատում են առաջխաղացման ուղղությամբ, մենք գոհ ենք այն արդյունքից, որ ունենք»,- նշել է գործակալության զրուցակիցը։
Նշվում է, որ ԱՄԷ-ում անցկացված Dubai Airshow 2021-ի գլխավոր նորույթներից էր «Մի-28Նէ» հարվածային ուղղաթիռի միջազգային պրեմիերան։ Նախկինում «Գիշերային որսորդի» այս մոդիֆիկացիան երբեք չի ցուցադրվել արտասահմանյան ցուցահանդեսներում։ «Կա-52»-ը ևս առաջին անգամ է մասնակցել է Dubai Airshow-ին։
Տաթև Ֆռանգյան
