11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
ԱՄՆ-ը կարող է չճանաչել Պուտինի լեգիտիմությունը 2024-ից հետո․ բանաձևի նախագիծ է ներկայացվել Կոնգրես
Քաղաքականություն
19.11.2021 | 22:02
Դեմոկրատ Սթիվ Քոհենը և հանրապետական Ջո Ուիլսոնը ԱՄՆ Կոնգրեսի Ներկայացուցիչների պալատ են ներկայացրել 2024 թվականից հետո Վլադիմիր Պուտինին Ռուսաստանի նախագահ չճանաչելու մասին բանաձևի նախագիծ։ Այն հրապարակել է Սթիվ Քոհենի մամուլի ծառայությունը, գրում է DW-ի ռուսական ծառայությունը։
Կոնգրեսականները մանրամասն փաստարկներ են ներկայացնում, թե ինչու «Ռուսաստանի Դաշնության նախագահ Վլադիմիր Պուտինի՝ 2024 թվականի մայիսի 7-ից հետո պաշտոնավարելու ցանկացած փորձ պետք է երաշխավորի ԱՄՆ-ի կողմից չճանաչումը»:
Նրանք հիշեցնում են, որ Ռուսաստանը, որպես ՄԱԿ-ի, ԵԱՀԿ-ի և Եվրախորհրդի անդամ, կապված է մարդու իրավունքների և օրենքի գերակայության միջազգային պարտավորություններով և 1993 թվականի դեկտեմբերի 25-ին ընդունված ՌԴ Սահմանադրության 81-րդ հոդվածի 3 կետով, որ հստակորեն նշում է, որ «միևնույն անձը չի կարող զբաղեցնել Ռուսաստանի Դաշնության նախագահի պաշտոնը ավելի, քան երկու անընդմեջ ժամկետ»:
Փաստաթղթում ասվում է, որ Ռուսաստանի Դաշնության Սահմանադրության փոփոխությունների քվեարկությունը, որը Պուտինին թույլ է տվել «զրոյացնել» իր նախագահության ժամկետները և կրկին առաջադրվել այդ պաշտոնում 2024 թվականի մայիսի 7-ից հետո, երբ նրա լիազորությունների ժամկետը լրանում է, չի կարող օրինական համարվել բազմաթիվ խախտումների պատճառով։
Կոնգրեսականները հիշեցրել են «զբոսայգիների նստարաններին, մեքենաների բեռնախցիկներին և առևտրային սայլակների վրա քվեարկության», զանգվածային կեղծիքների մասին հաղորդումների, ընդդիմությանը փոփոխության դեմ հրապարակավ արտահայտվելու հնարավորությունից զրկելու և ԵԱՀԿ-ից և ԵԽ-ից միջազգային դիտորդներին մերժելու մասին:
Տաթև Ֆռանգյան
