29.06.2026 | 14:44
Իսրայելը որպես պետություն չի ճանաչել և վստահ եմ՝ չի էլ ճանաչելու Հայոց ցեղասպանությունը. Չերնամորյան. ՏԵՍԱՆՅՈՒԹ
Վրաստանի իշխանությունները Սաակաշվիլիի ուշաթափությունից հետո պատրաստ են նրան տեղափոխել զինվորական հոսպիտալ
Քաղաքականություն
19.11.2021 | 16:55
Վրաստանի իշխանությունները չեն բացառել երկրի նախկին նախագահ Միխայիլ Սաակաշվիլիի տեղափոխումը Գորի քաղաքի զինվորական հոսպիտալ, որը գտնվում է պաշտպանության նախարարության ենթակայության տակ։ Այս մասին այսօր լրագրողների հետ հանդիպման ժամանակ հայտարարել է Վրաստանի արդարադատության նախարար Ռատի Բրեգաձեն, գրում է «Նովոստի Գրուզիան»։
«Առաջարկում ենք նրան տեղափոխել ՊՆ-ի Գիորգի Աբրամիշվիլիի անվան զինվորական հոսպիտալ։ Սա այն վայրն է, որտեղ նրա առողջությունն ու կյանքը առավելագույնս պաշտպանված կլինեն պետության կողմից»,- ասել է Բրեգաձեն։
Նա հավելել է, որ տեղափոխության որոշումը պետք է կայացնի անձամբ Սահակաշվիլին։ Նա նաև զգուշացրել է, որ «ընդդիմադիրների կողմից որևէ սադրանքի դեպքում», որը կարող է խանգարել տեղափոխման ընթացակարգին կամ բուժանձնակազմի աշխատանքին, Սաակաշվիլիին անմիջապես կվերադարձնեն բանտային հիվանդանոց։
Բրեգաձեն հայտարարել է, որ Միխայիլ Սաակաշվիլիի առողջական վիճակի բարելավումից հետո նրան կվերադարձնեն Ռուսթավիի թիվ 12 բանտ, սակայն Միխայիլ Սաակաշվիլիի կողմնակիցների կողմից սադրանքի դեպքում նախկին նախագահին կվերադարձնեն Գլդանիի բանտի բուժհաստատություն։
Հիշեցնենք, որ նոյեմբերի 18-ին՝ հացադուլի 49-րդ օրը, Սահակաշվիլին Գլդանիի բանտի հիվանդանոցում կորցրել է գիտակցությունը, որից հետո տեղափոխվել է վերակենդանացման բաժանմունք։ Քրեակատարողական հիմնարկի բժիշկներին հաջողվել է կայունացնել նրա վիճակը։
Տաթև Ֆռանգյան
