19.11.2024 | 20:26
Կոչ ենք անում Վրաստանին վերադառնալ եվրատլանտյան ինտեգրման ուղի․ ՆԱՏՕ-ի գլխավոր քարտուղար
Զբոսաշրջային ոլորտի ներկայացուցիչը՝ Գյումրու փոխքաղաքապետ․ ՏԵՍԱՆՅՈՒԹ
Քաղաքականություն
18.11.2021 | 16:51
«Քաղաքացիական պայմանագիր» կուսակցության առաջարկով Գյումրու ավագանին այսօր ընտրեց երկու փոխքաղաքապետերի։
Նրանից մեկը նախկին զինվորական Արթուր Պապիկյանն է, մյուսը՝ զբոսաշրջային ոլորտի մասնագետ Դավիթ Առուշանյանը։ Երկուսն էլ ՔՊ-ական են։
Դավիթ Առուշանյանն իր գործունեությունը սկսել է որպես զբոսաշրջային ընկերության փոխտնօրեն, այնուհետ դարձել տնօրեն։ Նա տուրիզմի ֆեդերացիայի անդամ է, կառավարության կողմից պարգևատրվել է ոսկե մեդալով՝ ներգնա տուրիզմի զարգացման գործում մեծ ավանդ ունենալու համար։
20018 թվականից զբաղվել է ակտիվ քաղաքականությամբ։ ԱԺ ընտրություններում ՝ թե՛ 2018 թվականին, և թե՛ 2021 թվականին ՔՊ-ի ցուցակով առաջադրվել է որպես պատգամավորի թեկնածու։
«Գյումրին եղել է, կա և լինելու է մշակույթի, սպորտի և վարպետների քաղաք, դարձել է զբոսաշրջային գրավիչ ողղություն։ Ունենալով զբոսաշրջության համար կարևոր ենթակառուցվածքներ, ինչպիսին են օդանավակայանը և երկաթուղային կայարանը՝ մենք հնարավորություն ունենք Գյումրին դարձնել գրավիչ ոչ միայն Հայաստանի, այլ օտարերկրյա զբոսաշրջիկների համար։ Հավատացեք, Գյումրին աշխարհին շատ բան ունի ցույց տալու»,- ասաց Դավիթ Առուշանյանը։
Արմիկ Մովսիսյան
