11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Նյու Դելիում խիստ կարանտին է հայտարարվել օդի աղտոտվածության պատճառով
Քաղաքականություն
18.11.2021 | 17:12
Հնդկաստանի Գերագույն դատարանը մայրաքաղաք Նյու Դելիի ղեկավարությանը հանձնարարել է խիստ կարանտին սահմանել օդի աղտոտվածության պատճառով, որը հասել է կրիտիկական մակարդակի, հաղորդում է korrespondent-ը։
Նշվում է, որ քաղաքում օդի որակի ինդեքսը 343 է, մինչդեռ 50 ցուցանիշը համարվում է վտանգավոր մարդկանց համար։ Աղտոտվածության պատճառը բերքահավաքից հետո դաշտերում կոճղերի զանգվածային այրումն է։
Նշվում է, որ Նյու Դելիի և արվարձանների բնակիչներն ավելի հաճախ են դիմում բժշկի՝ շնչառական խնդիրների բողոքներով: Սմոգը վտանգավոր է հատկապես երեխաների համար։
Հիվանդացության և զոհերի աճից խուսափելու համար մայրաքաղաքում աշխատողներն ու ուսանողները պետք է անցնեն հեռավար աշխատանքի և կրթության: Երեխաներին արգելվում է լքել փակ տարածքները:
Բացի այդ, ըստ ICIS-ի, Հնդկաստանի կառավարությունը այլ միջոցներ է ձեռնարկել մայրաքաղաքում օդի աղտոտվածությունը նվազեցնելու համար։ Մասնավորապես, որոշվել է մինչև ամսվա վերջ դադարեցնել Նյու Դելիի մերձակայքում գտնվող ածխով աշխատող 11 էլեկտրակայաններից վեցի աշխատանքը։ Էլեկտրաէներգիայի սակավության դեպքում էլեկտրամատակարարումը կապահովեն այն էլեկտրակայանները, որոնք գտնվում են քաղաքից 300 կիլոմետր շառավղով հեռու։
Տաթև Ֆռանգյան
