04.05.2025 | 21:54
«Երևանի քաղաքապետի գավաթ» վոլեյբոլի առաջնության միջազգային մրցաշարին մասնակցեցին 6 երկրների 108 մարզիկներ
Եթե ՀԱՊԿ-ը և ՌԴ-ն չկատարեն պարտավորությունները, Հայաստանը ստիպված է լինելու դիմել միջազգային այլ կառույցների․ ԱԽ քարտուղար․ ՏԵՍԱՆՅՈՒԹ
Քաղաքականություն
16.11.2021 | 16:00
Հայաստանն առաջնահերթ կարծում է, որ Ռուսաստանի Դաշնության և ՀԱՊԿ-ի կառույցների միջոցով հնարավոր է ճգնաժամը լուծել։ Բայց եթե մենք չկարողանանք, ինչպես բազմիցս արդեն նշել ենք, ստեղծված ճգնաժամը լուծել գոյություն ունեցող կառուցակարգերով, ապա Հայաստանը ստիպված է լինելու այլ կառուցակարգերի, այսինքն՝ միջազգային գործընկերներին դիմելու։ Առաջին ալիքի «Լուրեր»-ին տված հարցազրույցում այս մասին հայտարարեց ՀՀ Անվտանգության խորհրդի քարտուղար Արմեն Գրիգորյանը։
«Բայց մենք առաջնային ենք համարում այս պահին պայմանագրային պարտավորություններով օժտված այն մեխանիզմները, որոնք հնարավոր է գործարկել և ստեղծված ճգնաժամը լուծել, գործարկել առաջնային դրանք»,- հավելեց նա։
Արմեն Գրիգորյանի խոսքով՝ 2020 թվականի նոյեմբերի 9-ի հայտարարությունից հետո ռազմական գործողությունները, իհարկե, դադարել են, բայց սահմանի երկայնքով, ընդհանուր առմամբ, չենք կարող պնդել, որ կայունություն է։
«Միշտ էլ Ադրբեջանը կիրառել է զենք և սա հայտնի փաստ է։ Այսինքն՝ սահմանային լարումները պարբերաբար շարունակվել են։ Վերջին շրջանում Ադրբեջանը չստանալով, այսպես ասած, իր ցանկացածը, ինչպիսին է «միջանցքը», սկսել է տորպեդահարել ամբողջ բանակցային գործընթացը նույնիսկ այլ ուղղությամբ՝ ապաշրջափակման ուղղությամբ»,- նշեց ԱԽ քարտուղարը։
Մանրամասները՝ տեսանյութում։
