09.08.2026 | 13:13
Դաշտավանում ծեծկռտուք է եղել․ մասնակիցները հարվածել են քարերով, մահակներով և կռփազենքով
Թրամփը հայտարարել է, որ մտադիր չէ 3-րդ անգամ առաջադրվել նախագահի պաշտոնում
Քաղաքականություն
04.05.2025 | 18:55
ԱՄՆ նախագահ Դոնալդ Թրամփը հերքել է, թե մտադիր է առաջադրվել երրորդ ժամկետով՝ քայլ, որը, ըստ փորձագետների, արգելված է ԱՄՆ Սահմանադրությամբ։
«Ես կլինեմ ութ տարվա նախագահ, կլինեմ երկու ժամկետով նախագահ։ Ես միշտ եմ մտածել, որ դա շատ կարևոր է»,- ասել է Թրամփը NBC-ի «Meet the Press with Kristen Welker» հաղորդման ընթացքում։
Թրամփը նախկինում հայտարարել էր, որ չի կատակում, երբ ասում է, թե ցանկանում է լինել նախագահ երրորդ անգամ, նույնիսկ չորրորդ անգամ։
Ավելի ուշ նա պարզաբանել է, որ իր այդ հայտարարությունները նպատակ ունեին ծաղրել կեղծ լրատվամիջոցներին։
Նրա ընկերությունը՝ The Trump Organization-ը, վաճառքի է հանել «Trump 2028» գրությամբ գլխարկներ, ինչը քննարկումների առիթ է ստեղծել, թե հնարավոր է՝ նա փորձի մնալ պաշտոնում իր երկրորդ ժամկետի ավարտից հետո՝ 2029 թվականի հունվարից։
Հարցազրույցում Թրամփը նշել է, որ բազմաթիվ «հարցումներ» է ստացել մարդկանցից, ովքեր նրան կոչ են անում դիտարկել պաշտոնում մնալու հնարավորությունը։
