14.09.2026 | 14:15
Պատմական ռեկորդ․ Հովհաննես Գաբրիելյանը լողալով հատել է Սևանա լիճն իր ողջ երկայնքով
Աճի տեմպերով Ադրբեջանի տնտեսությունը 2022 թվականին կարող է գերազանցել 2019-ի մակարդակը
Քաղաքականություն
12.11.2021 | 23:11
Աճի տեմպերով Ադրբեջանի տնտեսությունը 2022 թվականին կարող է գերազանցել 2019-ի մակարդակը և, ամենայն հավանականությամբ, շատ ավելի վաղ՝ հաշվի առնելով նավթի գների բարենպաստ կարճաժամկետ դինամիկան։ Այս մասին ասված է Standard & Poor’s միջազգային վարկանիշային գործակալության (S&P Global Ratings, կենտրոնակայանը՝ Նյու Յորք) Կովկասի և Կենտրոնական Ասիայի երկրների վերաբերյալ զեկույցում, հայտնում են ադրբեջանական լրատվամիջոցները։
«Մեր կանխատեսումները ենթադրում են, որ Covid-19-ի հետագա ալիքների պատճառով (պետական) ծախսերի կրճատումները ծավալով ավելի մեծ չեն լինի, քան այսօր»,- ասվում է զեկույցում։
S&P-ն կարծում է, որ հետխորհրդային տարածքում նավթի և գազի երեք արտադրողներ Ղազախստանը, Ադրբեջանը և Ուզբեկստանը շահել են 2021 թվականին էներգակիրների բարձր գներից, սակայն ապրանքների գների աճը, ամենայն հավանականությամբ, կդանդաղի 2022 թվականից՝ համաշխարհային տնտեսության աճի դանդաղելու հետ միասին։
Էներգիայի (նավթի և բնական գազի) գները ներկայում ավելի քան 50%-ով բարձր են 2017-2019 թվականների մակարդակից և աստիճանաբար մոտենում են 2010-2014 թվականների միջին ցուցանիշներին։ S&P-ի կանխատեսումների համաձայն՝ 2021 թվականին Ադրբեջանի ՀՆԱ-ի աճը կկազմի 4%, 2022 թվականին՝ 2%։ 2023-2024թթ. ակնկալվում է, որ Ադրբեջանի տնտեսության տարեկան աճը կկազմի 1,5 տոկոս։
Տաթև Ֆռանգյան
