11.03.2026 | 12:11
Ըստ NYT-ի՝ Իրանի նոր գերագույն առաջնորդը վիրավորվել է ոտքերից․ Իրանում պնդում են՝ «նա առողջ» է
Պայթյունից տուժածներից միայն մեկն է դուրս գրվել, մյուսները դեռ վերակենդանացման բաժանմունքում են
Հասարակություն
03.04.2018 | 11:04
Հյուսիսային պողոտայի թիվ 5 հասցեում գտնվող «Բուրգեր Քինգ» արագ սննդի կետում պայթյունից տուժած քաղաքացիների վիճակը գնահատվում է ծանր կայուն: Այս մասին Factor.am-ին հայտնեցին «Սուրբ Գրիգոր Լուսավորիչ» բժշկական կենտրոնից՝ հավելելով, որ տուժած 8 անձանցից միայն մեկն է դուրս գրվել հիվանդանոցից:
«Մնացածը դեռևս գտնվում են վերակենդանացման բաժանմունքում, մի քանի ժամ անց, սակայն, ևս մի քանի հոգի դուրս կգրվեն, կարող եմ ասել, որ երկու հոգի հաստատ մնալու են հիվանդանոցում»,- մանրամասնեցին բժշկական կենտրոնից:
Ինչ վերաբերում է ութամյա Ռուբինա Մարկոսյանին, որի վիճակը ամենածանրն էր, ապա Factor.am-ին հայտնեցին, որ նրա վիրահատությունը նորմալ է անցել, սակայն հետևանքների մասին խոսելը դեռ վաղ է:
Հիշեցնենք՝ ապրիլի 2-ին` ժամը 20:44-ին Հյուսիսային պողոտայի թիվ 5 հասցեում գտնվող «Բուրգեր Քինգ» արագ սննդի կետում պայթել է լցնովի գարեջրի ճնշումն ապահովող 20 կգ-անոց բալոնը, կա 8 տուժած, (այդ թվում օտարերկրյա քաղաքացիներ) ովքեր տեղափոխվել են «Սուրբ Գրիգոր Լուսավորիչ» ԲԿ: Վիրավորվել էին Ռուդոլֆ Մարկոսյանը (6 տարեկան), Ռուբինա Մարկոսյանը (8 տարեկան), Զարուհի Մելիքյանը (19 տարեկան), Էրիկ Աշուղյանը (24 տարեկան, ԻԻՀ քաղաքացի), Ալյոնա Ագապովան (15 տարեկան, ՌԴ քաղաքացի), Լիզա Աբրահամովան (15 տարեկան, ՌԴ քաղաքացի), Յարոսլավ Լյուբենկոն (15 տարեկան, ՌԴ քաղաքացի), Զեյնա Հուսեինին (24 տարեկան, ԻԻՀ քաղաքացի):
