27.11.2024 | 14:34
Լեհաստանի նախագահը ԵՄ դիտորդների հետ պարեկություն է արել ՀՀ-Ադրբեջան սահմանին
Մինչև 2040 թվականն ավելի քան 30 երկրներ կհրաժարվեն ներքին այրման շարժիչներով մեքենաների վաճառքից
Քաղաքականություն
11.11.2021 | 21:38
Մինչև 2040 թվականն ավելի քան 30 երկրներ և առաջատար ավտոարտադրողներ ամբողջությամբ կհրաժարվեն ներքին այրման շարժիչներով մեքենաների վաճառքից։ Որոշումն ընդունվել է COP26 կլիմայական համաժողովի շրջանակում, հայտնել են Մեծ Բրիտանիայի կառավարությունից։
Համաձայնագրին, որը նախատեսում է բացառապես զրոյական արտանետումներով մեքենաների վաճառք, աջակցել են Մեծ Բրիտանիան, Կանադան, Չիլին, Խորվաթիան, Նիդերլանդները, Լեհաստանը, Սլովենիան, Մեքսիկան, Թուրքիան, Ադրբեջանը և այլ երկրներ։ Նշենք, որ Հայաստանը, Ռուսաստանը, ԱՄՆ-ն և Չինաստանն այս ցուցակում չկան:
Միջազգային էներգետիկ գործակալության տվյալներով՝ մեքենաները, բեռնատարները, նավերը, ավտոբուսները և ինքնաթիռները կազմում են ածխածնի գլոբալ արտանետումների մոտ մեկ քառորդի պատճառը, սակայն ճանապարհային տրանսպորտային միջոցներն ամենամեծ աղտոտիչն են:
Ավելի վաղ հաղորդվել էր, որ գերմանական Deutsche Umwelthilfe ոչ առևտրային կազմակերպությունը զեկույց է հրապարակել, ըստ որի՝ Mercedes-Benz-ը շահարկում է արտանետումների թվերը։
Տաթև Ֆռանգյան
