11.12.2025 | 23:02
Time-ի «Տարվա մարդը» արհեստական բանականության ստեղծողներն են
4-րդ դասարանն ավարտած երեխաների 35 %-ը պարզ տեքստը չի կարողանում կարդալ. Նիկոլ Փաշինյան․ ՏԵՍԱՆՅՈՒԹ
Հասարակություն
11.11.2021 | 11:34
Վարչապետ Նիկոլ Փաշինյանը կառավարության այսօրվա նիստին հայտարարեց, թե նոյեմբերի 4-ին որոշում է ստորագրել Սյունիքի մարզում կրթական որակյալ ծառայությունների հասնաելիության ապահովման ծրագիրը հաստատելու մասին: «Դա չափազանց կարևոր որոշում է ու կարող ենք համարել, որ մենք մեր այս ծրագիրը սկսում ենք Սյունիքի մարզից»,- նշեց Փաշինյանը: Վարչապետը նշեց, թե կրթությունը պետք է հասանելի լինի Հայաստանի բոլոր երեխաների ու ունենա պատշաճ որակ, որ բացահայտի ՀՀ քաղաքացիների ամբողջ պոտենցիալը:
«Շատ հետաքրքիր հետազոտություններ են արված ու այս հետազոտությունների վրա է հիմնված մեր աշխատանքը. Այսօր Հայաստանում գոյություն ունեցող ենթակառուցվածքներով կրթական համակարգի միջով անցնելով՝ ՀՀ քաղաքացին կարող է բացահայտել իր պոտենցիալի ընդամենը 57 տոկոսը, այսինքն՝ մենք գնահատել ենք մեր կրթական այսօրվա ենթակառուցվածքը ու արձանագրել, որ մարդը մեր այսօրվա առաջարկած կրթական ծառայություններից դեռ պետք է լիարժեք հնարավորությունից օգտվի ու կարող է բացահայտել իր պոտենցիալի 57 տոկոսը:»,- նշեց Փաշինյանը:
Հաջորդ կարևոր վիճակագրությունը՝ տարրական դպրոցի ավարտին մեր աշակերտների շուրջ 35 տոկոսը չի կարողանում կարդալ և հասկանալ պարզ տեքստը։ Այսինքն՝ չորրորդ դասարանն ավարտած երեխան պարզ տեքստը չի կարողանում կարդալ կամ հասկանալ։ Եվ ահա այստեղ մենք ունեինք հետևյալ խնդիրը։ Պարզ է, որ այս ծրագրի իրագործման համար ահռելի միջոցներ են պետք։ Մենք սկսում ենք Սյունիքի մարզի Կապան խոշորացված համայնքից։ Եվ միայն Կապան խոշորացված համայնքում այդ կրթական ծրագիրն իրագործելու համար 9 մլրդ դրամի ներդրում ենք իրականացնելու»,- ասաց Փաշինյանը։
Մանրամասները՝ տեսանյութում:
