16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ֆրանսիայում 65 տարեկանից ցածր անձանց համար նույնպես անհրաժեշտ կլինեն բուստերային պատվաստումները
Քաղաքականություն
10.11.2021 | 23:28
Կորոնավիրուսի հինգերորդ ալիքը, սեզոնային պատվաստումների ակտիվացումն ու համաճարակի երկրորդ տարվա վերջում տնտեսական հեռանկարները. հենց սրանք դարձան Ֆրանսիայի նախագահի՝ ժողովրդին ուղղված հեռուստաուղերձի հիմնական թեմաները, հայտնում է Euronews-ը։
Էմանուել Մակրոնը հայտարարել է, որ դեկտեմբերից սկսած՝ 65 տարեկանից ցածր անձանց համար նույնպես անհրաժեշտ կլինեն բուստերային պատվաստումները. առանց երրորդ դեղաչափի մասին նշման որոշ կատեգորիայի քաղաքացիների բժշկական կտրոնները չեղարկվելու են։
«65 տարեկանից ցածր մարդկանց մոտ ժամանակի ընթացքում նախորդ պատվաստանյութի ազդեցությունը թուլանում է,- հիշեցրել է Մակրոնը:- Այժմ, մինչ մենք խոսում ենք, 50+ տարեկան ավելի քան 80 մարդ գտնվում է ինտենսիվ թերապիայի բաժանմունքում: Այդ իսկ պատճառով մենք դեկտեմբերի սկզբից սկսում ենք բուստերային պատվաստումների արշավ 50-64 տարեկան մեր հայրենակիցների համար»։
Euronews-ը նշում է, որ ողջ աշխարհում գրանցված կորոնավիրուսի դեպքերի կեսը բաժին է ընկնում Եվրոպային։ Մեծ Բրիտանիայում, որտեղ ևս թափ է հավաքում 5-րդ ալիքը, իշխանությունները նախազգուշացրել են Առողջապահության ազգային ծառայության աշխատակիցներին մինչև ապրիլի 1-ը լիարժեք պատվաստում անցնելու անհրաժեշտության մասին, հակառակ դեպքում նրանք կկորցնեն աշխատանքը։
Բուժանձնակազմի շրջանում այս որոշմանն արձագանքը միանշանակ չի եղել։
Բուժքույրերի արհմիությունից Ստյուարտ Թաքվուդը նշում է. «Մենք շատ մտահոգված ենք, որ նման պարտավորության պարտադրումը կբարոյալքի աշխատակիցներին, որ մարդիկ կորոշեն հեռանալ աշխատանքից: Եվ սա հիմա, երբ մենք այսքան աշխատակցի կարիք ենք զգում»։
Տաթև Ֆռանգյան
