27.11.2024 | 13:42
Ռուսական կողմը կրկին ԱԹՍ-ներով հարվածել է Կիևին. վիրավորներ կան
Լեհ սահմանապահները հայտնել են սահմանի բելառուսական կողմում պարբերական հրաձգությունների մասին
Քաղաքականություն
09.11.2021 | 15:30
Լեհ սահմանապահները հայտնել են պարբերական հրաձգությունների մասին Բելառուսի հետ սահմանի բելառուսական կողմում, որտեղ հազարավոր անօրինական միգրանտներ կան։ Այս մասին այսօր հայտարարել է Լեհաստանի սահմանապահ ծառայության Պոդլասկի բաժնի մամուլի քարտուղար Կատարժինա Զդանովիչը, գրում է korrespondent-ը։
«Պարբերաբար կրակոցներ ենք լսում, բայց կոնկրետ դեպքի, կոնկրետ իրավիճակի մասին տեղեկություն չունեմ։ Ամեն օր բելառուսական կողմում կրակոցներ ենք լսում»,- ասել է նա։
Զդանովիչը չի պատասխանել հարցին, թե Լեհաստանի ուժայիններն ի՞նչ հատուկ տեխնիկա են օգտագործում սահմանին, սակայն վստահեցրել է, որ «կօգտագործեն բոլոր հնարավորությունները՝ սահմանը պահպանելու համար, որպեսզի այն ապօրինի չհատվի»։
Նա նաև ասել է, որ լեհ սահմանապահները միգրանտների կուտակման տարածքում բելառուս զինվորների թվի աճ են գրանցել։
«Մենք տեսնում ենք ավելի ու ավելի շատ զինվորների, որոնք այնտեղ են՝ վերահսկելու, ուղղորդելու և առաջնորդելու այս մարդկանց, որոնք գտնվում են սահմանին»,- հավելել է նա:
«Այս շրջան են բերում լրագրողների, որոնք ֆիքսում են այս ամբողջ իրավիճակը և քարոզչության տեսանկյունից այդ ամենը ներկայացնում տեղի բնակիչներին»,- ասել է Զդանովիչը։
Տաթև Ֆռանգյան
