06.06.2026 | 12:50
«Նման ընտրությունները լեգիտիմ չեն լինի»․ Մեդվեդևը՝ Հայաստանի առաջիկա ընտրությունների մասին
Շատ բարձր գին ենք վճարել մեր սխալների համար. Ալեն Սիմոնյանը՝ պատերազմի մասին․ ՏԵՍԱՆՅՈՒԹ
Քաղաքականություն
09.11.2021 | 11:02
Արցախյան 44-օրյա պատերազմը և 1 տարի առաջ նոյեմբերի 9-ին ստորագրված եռակողմ համաձայնագիրը ևս մեկ հնարավորություն էր՝ վերաիմաստավորելու ու առաջ գնալու՝ սխալների վրա սովորելուց հետո։ Այս մասին ԱԺ-ում շուշեցի հայազգի ճարտարապետների գործերի ցուցադրության ժամանակ լրագրողների հետ ճեպազրույցում նշեց ԱԺ նախագահ Ալեն Սիմոնյանը:
«Ես չեմ ուզում գնահատականներ տալ, դրանք հայտնի են։ Կարող եմ ասել, որ սա մեզ համար ևս մեկ հնարավորություն է վերաիմաստավորելու ու առաջ գնալու՝ մեր սխալների վրա սովորելուց հետո»,- նշեց ԱԺ նախագահը։
«Այդ առումով շատ կարևորում եմ նաև քննիչ հանձնաժողովի ստեղծումը, որի ստեղծման գաղափարը մեր կողմից առաջ քաշվեց։ Կարծում եմ, որ այդ հանձնաժողովի աշխատանքը շատ կարևոր է, և արդյունքները կարող են որոշիչ դեր ունենալ մեր ապագայի համար»,- նշեց Սիմոնյանը։
Հայաստանի և Արցախի օդային տարածքի անվտանգ լինելու վերաբերյալ հարցին ԱԺ նախագահը ուղիղ եթերով նախընտրեց չպատասխանել։ Նա միայն ընդգծեց, որ թուրքական «բայրաքթարները», որոնցով Արցախյան 44-օրյա պատերազմի ժամանակ ադրբեջանական կողմը հարվածներ էր հասցնում, առաջին անգամ էին կիրառվում, և հայկական կողմն էլ աշխարհում առաջինն է եղել, որ դրանք խոցել է։
Մանրամասները՝ տեսանյութում:
