Ադրբեջանը քանդեց Արցախի կեսը՝ ռմբակոծելով․ ՌԴ-ն թող ճանաչի ԼՂ անկախությունը, եթե անկեղծ է․ Ստեփան Գրիգորյան․ ՏԵՍԱՆՅՈՒԹ

Լուրեր

17.11.2026 | 17:45
Ընկերությունները կարող են քրեական պատասխանատվության ենթարկվել, նույնիսկ եթե հանցանք կատարած անձը հայտնի չէ․ ԱՆ-ի նոր առաջարկը
17.11.2026 | 17:37
ՔՊ-ից մի հոգի է ցավակցություն հայտնել․ Նարեկ Կարապետյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 17:28
Հայաստանում կարող են վերանայվել բենզալցակայանների՝ բնակելի շենքերից հեռավորության և հողատարածքի նվազագույն մակերեսի պահանջները
17.11.2026 | 17:17
«Վերահաստատեցինք՝ համեղ ծիրանները հայկական են»․ դեպի ԵՄ երկրներ հայկական արտադրանքի արտահանումն աճում է․ Միրզոյանը հանդիպել է Մաթա Կոսի հետ
17.11.2026 | 17:07
Հայաստանի Մ-17 հավաքականը ոչ-ոքի խաղաց Լյուքսեմբուրգի հետ. ՏԵՍԱՆՅՈՒԹ
17.11.2026 | 17:00
Երևանի փողոցներում լքված գույքը կտեղափոխվի հատուկ տարածք․ սեփականատերերին 6 ամիս ժամանակ կտրվի՝ այն հետ պահանջելու համար
17.11.2026 | 16:52
Սկսվել է «Տիգրան ջան, սիրուն չի» օպերացիա. Գևորգ Ստեփանյան․ ՏԵՍԱՆՅՈՒԹ
17.11.2026 | 16:40
Մուսաևը 6 անգամ կրակել է Անի Ավետիսյանի ուղղությամբ, ապա գցել մահճակալին և հարվածներ հասցրել. հրապարակվել է Շաքի ներխուժած ադրբեջանցու մեղադրական եզրակացությունը
17.11.2026 | 16:36
ԱԺ-ում հայտարարությունների ժամ է․ ՈՒՂԻՂ
17.11.2026 | 16:23
Սերբիայում ռազմական ինքնաթիռ է կործանվել․ օդաչուն զոհվել է
17.11.2026 | 16:14
«Աննախադեպ գործողություն»․ Զելենսկին մանրամասներ է հայտնել Ղրիմի կամրջին հարվածի գործողությունից
17.11.2026 | 16:13
Գևորգ Ղազարյանը խզել է պայմանագիրն «Արարատ-Արմենիայի» հետ
17.11.2026 | 16:06
Արամ Վարդևանյանն ու Հնդկաստանի դեսպանը քննարկել են սահմանադրական բարեփոխումների սահմանափակումների վերաբերյալ Հնդկաստանի փորձը
17.11.2026 | 15:54
Ֆրանսիան պատրաստվում է նոր բողոքի ցույցերի` մինչ արհմիությունները համազգային գործադուլի կոչ են արել
17.11.2026 | 15:43
2026-ին ՔԿՀ-ներում մահվան 4 դեպք է արձանագրվել․ ՀԿ-ները մտահոգություն են հայտնում
Բոլորը

Factor TV-ի հարցազրույցը քաղաքագետ Ստեփան Գրիգորյանի հետ

-Պարո՛ն Գրիգորյան, պաշտոնական Կրեմլը խոսնակի շուրթերով հայտարարում է, թե տեսակոնֆերանսի ձևաչափով հանդիպում է կազմակերպվելու Փաշինյանի, Պուտինի, Ալիևի միջև։ Օրեր առաջ ասաց՝ շաբաթվա սկզբին, այսօր ասաց՝ հստակ օր չկա։ Նիկոլ Փաշինյանը հերքեց նոյեմբերի 9-ին հանդիպելու հնարավորությունը՝ հստակեցնելով․ «Դեմ չենք հանդիպումներին, բայց շատ կարևոր է այդ հանդիպումների կոնտեքստը, սիմվոլիկան և հանդիպումներից ակնկալվող պոտենցիալ արդյունքը։ Այնտեղ, որտեղ կարող ենք արձանագրել արդյունք, մենք չենք հրաժարվի ոչ մի հանդիպումից, բայց կողմնակից չենք ինքնանպատակ հանդիպումների»։ Ինչո՞ւ է Կրեմլը ժամկետ հայտարարում, Փաշինյանը՝ շեշտում արդյունքի անհրաժեշտությունը և սիմվոլիկան։

-«Առաջին ալիքի» հարցազրույցում Նիկոլ Փաշինյանն ասաց, որ ոչ մի հանդիպում չի նախատեսված նոյեմբերի 9-ին։ Դրանից հետո մենք լսեցինք Պեսկովից, որ, իբր, ինչ-որ բան կա։ Ես ուզում եմ հատուկ նշել, որ վարչապետը չպետք է ոչ մի դեպքում գնա հանդիպումների, որոնք անսպասելի են իր համար։ Գիտեք, մի ավանդույթ ձևավորվեց պատերազմի ժամանակ և անմիջապես հետո՝ առանց Հայաստանի որոշումներ էին ընդունվում։ Պուտինը Ալիևի և Էրդողանի հետ պայմանավորվում էր, հետո մեզ փաստի առաջ էին կանգնեցնում։ Հիշո՞ւմ եք՝ Պուտինն ասաց, որ ինքն է գրել նոյեմբերի 9-ի տեքստը, ստորագրե՛ք, հայեր։ Շատ բաներ փոխվեցին, Հայաստանն ուշքի է գալիս՝ և՛ կառավարությունը սկսեց աշխատել, և՛ հասարակությունն է շատ ակտիվ աշխատում, ԶԼՄ-ները, նաև՝ դուք։ Դա փոխեց մթնոլորտը Հայաստանի և ռեգիոնի շուրջ։ Միացյալ Նահանգները վերադարձավ տարածաշրջան։

-Այսինքն, Ձեր գնահատմամբ՝ անցած տարվա և այսօրվա նոյեմբերի 9-երը շատ տարբեր են և աշխարհաքաղաքական իրադրության կոնտեքստն էլ տարբեր է։

-Ուրեմն՝ մեր վարչապետը ոչ մի դեպքում չպետք է համաձայնվի հանդիպմանը, նույնիսկ լավ տեքստով բան ստորագրի, եթե դա իր համար անսպասելի է, իրեն դնում են փաստի առջև։ Պուտինն այնտեղ աշխատեց Ալիևի հետ, ինչ-որ բաներ հաստատեց, ինչ-որ փաստաթուղթ պատրաստեց, նույնիսկ եթե մեզ համար շատ վատը չի, չպետք է գնալ, համաձայնվել և ստորագրել։ Այն փաստը, որ Պեսկովն ասում է մի բան, որը հերքվում է Հայաստանից, անընդունելի է, որ իրենք որոշում են ընդունում, մեր վարչապետին տեղյակ չեն պահում։ Դա իսպառ պետք է վերացնել, քոքով հանել։ Այդ դեպքում Ռուսաստանը մեզ կհարգի, մեր շահերի հետ հաշվի կնստի։

-«Առաջին ալիքի» հարցազրույցում Նիկոլ Փաշինյանը գնահատեց, որ նոյեմբերի 9-ի հայտարարության բազմաթիվ կետեր Ադրբեջանի մեղքով չեն կատարվել՝ մեկ տարում վեց օր է եղել առանց հրադադարի խախտման, ինչպե՞ս է այդ պայմաններում սահմանազատում արվելու, որ խաղաղապահի կողքին նստած քաղաքացու են սպանում, գերիներին չեն վերադարձրել, որոնց 90 տոկոսը նոյեմբերի 9-ից հետո է գերեվարվել՝ Խծաբերդում։ Սա ուղերձ չէ՞ նաև ռուսական կողմին։

-Նիկոլ Փաշինյանը նաև շնորհակալություն հայտնեց Վլադիմիր Պուտինին, որ խաղաղապահ ուժեր մտցրեցին, կանգնեցրին պատերազմը։ Նիկոլ Փաշինյանի խոսքում նոր դրվագ կար, որ չեն ստեղծվում պայմաններ՝ Շուշի և Հադրութ փախստականների վերադարձի։ Ինչքան էլ Ադրբեջանի վերահսկողության տակ է, մենք պետք է պահանջենք, որ Հադրութ և Շուշիի փախստականները կարողանան վերադառնալ։ Դա կբերի նրան, որ ռուս խաղաղապահները մտնեն։ Դա մեզ ձեռնտու է, քանի որ շատ կթուլացնի Ալիևի հռեոտրաբանությունը։

-Իսկ հանուն ի՞նչ արդյունքի կարող է տեղի ունենալ Փաշինյան-Պուտին-Ալիև առաջիկա հանդիպումը։

-Չեմ համարում, որ այդ հանդիպմանը պետք է մենք մասնակցենք, եթե առարկայական ոչինչ չկա, այսինքն՝ Ադրբեջանը դուրս չբերի զորքերը Սյունիքից կամ Գեղարքունիքից։ Սահմանազատումը նորմալ մթնոլորտ է պահանջում։ Կա նաև գերիների հետ վերադարձի հարցը։ Ես չեմ ասում՝ Հայաստանը պետք է նախապայմանների լեզվով խոսի, բայց այդ հարցերը պետք է անպայման շեշտվեն։

Հարցազրույցն ամբողջությամբ՝ տեսանյութում։

Ռոբերտ Անանյան