29.06.2026 | 18:05
Գերմանիայի հյուսիսում կրակոցների հետևանքով առնվազն 5 մարդ է զոհվել
Իրանը Պարսից ծոցում զորավարժություններ է սկսել
Քաղաքականություն
08.11.2021 | 12:31
Իրանը նոյեմբերի 7-ից Պարսից ծոցում սկսել է ամենամյա զորավարժությունները, հաղորդում է Reuters-ը։
Զոլֆաքար-1400 զորավարժությունների խոսնակ, ծովակալ Մահմուդ Մուսավինի խոսքով՝ Օմանի ծոցում՝ իրանական ափին անցկացվող զորավարժությունները պետք է ցույց տան երկրի ռազմական հզորությունն ու թշնամիներին դիմակայելու պատրաստակամությունը։
Զորավարժություններն ընդգրկում են Հորմուզի նեղուցի արևելյան հատվածից մինչև Հնդկական օվկիանոսի հյուսիսային հատվածը, ինչպես նաև Կարմիր ծովի մի մասը։
Հիշեցնենք, որ Պարսից ծոցում Իրանի զինվորականների և ամերիկյան ուժերի միջև պարբերական առճակատումներ են տեղի ունենում 2018 թվականից, երբ ԱՄՆ այն ժամանակվա նախագահ Դոնալդ Թրամփը դուրս եկավ միջուկային համաձայնագրից և կրկին կոշտ պատժամիջոցներ սահմանեց Թեհրանի դեմ։
Ավելի վաղ հաղորդվել էր, Իրանի հատուկ ծառայությունները կանխել են երկրի կարևորագույն օբյեկտների դեմ ահաբեկչական հարձակումները։
Տաթև Ֆռանգյան
