19.12.2025 | 22:21
Հայաստանի մի շարք հասցեներում էլեկտրաէներգիայի անջատումներ կլինեն
Վրաստանի ԱՆ-ը հրապարակել է կադրեր, որում Սաակաշվիլին հացադուլի ժամանակ սնվում է
Քաղաքականություն
07.11.2021 | 18:46
Վրաստանի Քրեակատարողական ծառայությունը հրապարակել է կադրեր 12-րդ քրեակատարողական հիմնարկից, մասնավորապես՝ Միխեիլ Սաակաշվիլիի խցից։
Տեսանյութում երևում է, որ Վրաստանի նախկին նախագահ Միխեիլ Սաակաշվիլին շիլա է ուտում։
«Հասարակության բարձր հետաքրքրությունից ելնելով՝ հրապարակում ենք Միխեիլ Սաակաշվիլիի կողմից սննդի ընդունման որոշ փաստեր։ Տեսանյութում պարզ երևում է, թե ինչպես է բանտարկյալ Միխեիլ Սաակաշվիլին օրվա տարբեր ժամերին սնունդ և բնական հյութեր ընդունում»,- ասված է հաղորդագրությունում։
Սաակաշվիլին մեկնաբանել է ԱՆ-ի տարածած տեսանյութը։
Քաղաքական գործչի խոսքով՝ թույլատրվում է սնունդ ընդունել միայն բանտախցերում, իսկ բուժկետում դեղ են ընդունում՝ հաբերի կամ հեղուկի տեսքով։
Նա շեշտել է, որ այն, ինչ ստացել է, «կերակուր չէ», և ինքը, իբր, շարունակում է հացադուլը։
