27.11.2024 | 12:41
Կարգելվի մինչև 18 տարեկաններին կոֆեին պարունակող էներգետիկ ըմպելիքների վաճառքը․ ՏԵՍԱՆՅՈՒԹ
Գերմանիայում ՌԴ դեսպանատունը մեկնաբանել է Բեռլինում ռուս դիվանագետի մահվան վերաբերյալ տարածված լուրերը
Քաղաքականություն
05.11.2021 | 19:19
Գերմանիայում ՌԴ դեսպանատունը Բեռլինում ռուս դիվանագետի մահվան մասին արևմտյան լրատվամիջոցների հաղորդագրությունները «բացարձակապես ոչ ճիշտ շահարկումներ» է անվանել, գրում է ՌԻԱ Նովոստին։
«Ռուս դիվանագետի հետ ողբերգական միջադեպը տեղի է ունեցել 2021 թվականի հոկտեմբերի 19-ին։ Դիվանագետի մարմինը տուն ուղարկելու հետ կապված բոլոր ձևակերպումներն արագորեն լուծվել են Գերմանիայի իրավասու իրավապահ և բժշկական մարմինների հետ՝ գործող պրակտիկայի համաձայն։ Այս ողբերգական միջադեպի համատեքստում արևմտյան մի շարք լրատվամիջոցներում հայտնված շահարկումները բացարձակապես սխալ ենք համարում»,- ասված է դիվանագիտական առաքելության մամուլի ծառայության հաղորդագրության մեջ։
Հիշեցնենք, որ այսօր գերմանական Spiegel-ը հայտնել էր, որ Գերմանիայում ՌԴ դեսպանության անվտանգությունն ապահովող հատուկ ծառայությունների աշխատակիցները շենքի դիմաց հայտնաբերել են աշխատակիցներից մեկի դին։
Արեւմտյան հետախուզական ծառայությունները դիվանագետի մահվան դեպքը կապում են Բեռլինում նախկին չեչեն դաշտային հրամանատար Զելիմխան Խանգոշվիլիի սպանության հետ։ Հրապարակման համաձայն՝ ՌԴ դեսպանատունը չի համաձայնել մահացածի դիահերձմանը՝ տեղի ունեցածն անվանելով «ողբերգական դեպք»։ Արդյունքում դիակը հանձնվել է ռուսական կողմին։
Տաթև Ֆռանգյան
