12.02.2026 | 11:51
Ուրախացա՞ր, Արման Եղոյան․ մի՛ ուրախացի, ես քեզ հիշում եմ․ Գեղամ Մանուկյան․ ՏԵՍԱՆՅՈՒԹ
Վլադիմիր Պուտինն ու Ալեքսանդր Լուկաշենկոն ստորագրել են Միութենական պետության հռչակագիրը
Քաղաքականություն
05.11.2021 | 12:36
Միութենական պետության Գերագույն պետական խորհրդի նիստում Ռուսաստանի և Բելառուսի նախագահներ Վլադիմիր Պուտինն ու Ալեքսանդր Լուկաշենկոն հավանություն են տվել միության բոլոր 28 ծրագրերին և ստորագրել համապատասխան փաստաթուղթը, հայտնում է ՌԲԿ-ն։
«Եթե դեմ չեք՝ ես կստորագրեմ դեկրետը։ Սակայն պատասխան կտանք բոլորս, ոչ միայն ես»,- ասել է Լուկաշենկոն։
ՌԴ վարչապետ Միխայիլ Միշուստինը, նշել է, որ միության ծրագրերը վերաբերում են պետությունների մակրոտնտեսական, արդյունաբերական և գյուղատնտեսական քաղաքականությանը։
«Ինչ վերաբերում է էներգետիկային, մենք սկսում ենք աստիճանաբար ձևավորել նավթի, գազի և էլեկտրաէներգիայի միասնական շուկաներ», – հավելել է ՌԴ կառավարության ղեկավարը։
Բելառուսի նախագահի խոսքով՝ մինչ փաստաթղթի ստորագրումը բազմաթիվ քննադատություններ են հնչել իշխանությունների հասցեին։
«Այստեղ բոլորը մեզ քննադատում էին, ակնկալում էին, հատկապես՝ Ռուսաստանում առանձին Telegram-ալիքները, կստորագրե՞նք ձեզ հետ, թե՞ ոչ»,- նշել է նա։
Բացի այդ, Լուկաշենկոն առաջարկել է ստեղծել Միութենական պետության մեդիա-հոլդինգ։
«Կարծում եմ, որ այստեղ պետք է լուրջ բարեփոխում իրականացնել։ Մենք կարող էինք ստեղծել Միութենական պետության մեդիա-հոլդինգ։ Եվ այդ գումարը, թեկուզ չնչին, չպետք է լղոզել գոյություն ունեցող թերթերի, ամսագրերի, Telegram-ալիքների և այլ YouTube-ների վրա, այլ, բռունցքում հավաքելով, նույն գումարի դիմաց ստեղծել համապատասխան խումբ, մեդիա-հոլդինգ և պատմել այն մասին, ինչ կատարվում է»,- նշել է Բելառուսի նախագահը։
Տաթև Ֆռանգյան
