19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Grand Swiss-ի 8-րդ տուրում հայ գրոսմայստերների մեծամասնությունը կիսել է միավորը
05.11.2021 | 10:22
Հայաստանը ներկայացնող գրոսմայստերները շարունակում են ելույթները Grand Swiss մրցաշարում:
«Արմենպրես»-ի հաղորդմամբ` Լատվիայի մայրաքաղաք Ռիգայում ընթացող մրցաշարի 8-րդ տուրում իրենց պարտիաները ոչ-ոքի են ավարտել Մանուէլ Պետրոսյանը, Գաբրիել Սարգսյանը, Սամվել Տեր-Սահակյանը, Լևոն Արոնյանը և Հայկ Մարտիրոսյանը:
Այժմ Հայաստանի ներկայացուցիչներից 5-ական միավոր ունեն Մանուէլ Պետրոսյանը և Գաբրիել Սարգսյանը: Առաջատարը 6,5 միավորով Ալիռեզա Ֆիրուջան է:
Տղամարդկանց և կանանց մրցաշարերի հաղթողներն իրավունք կնվաճեն մասնակցելու աշխարհի առաջնության ընտրական մրցապայքարին։ Մրցաշարերը կավարտվեն նոյեմբերի 9-ին:
