27.11.2024 | 13:51
ՆԳՆ ոստիկանությունն ու Փրկարար ծառայությունն անցել են ուժեղացված ծառայության
Սահմանների դելիմիտացիան հնարավորություն կտա կարգավորել Բաքվի և Երևանի հարաբերությունները․ Ադրբեջանի ԱԳ նախարար
Քաղաքականություն
04.11.2021 | 20:09
Հայ-ադրբեջանական սահմանի դելիմիտացիան կբերի Բաքվի և Երևանի միջև հարաբերությունների կարգավորման։ Նման կարծիք է հայտնել Ադրբեջանի ԱԳ նախարար Ջեյհուն Բայրամովը, գրում են ադրբեջանական լրատվամիջոցները։
«Կարծում եմ՝ սահմանի դելիմիտացիայից հետո Ադրբեջանի և Հայաստանի միջև հարաբերությունները կկարգավորվեն։ Դելիմիտացիայից կշահեն ոչ միայն Ադրբեջանն ու Հայաստանը, այլև տարածաշրջանի բոլոր երկրները»,- ասել է Բայրամովը Բաքվի 8-րդ գլոբալ ֆորումում ունեցած ելույթում։
Պատասխանելով հարցին՝ ինչպե՞ս է Բաքուն գնահատում ՄԱԿ-ի ջանքերը ԼՂ հակամարտության կարգավորման գործում, Բայրամովն ասել է, որ կողմնակալ վերաբերմունքը ՄԱԿ-ի տարբեր որոշումների ու բանաձևերի հարցում նվազեցնում է վստահությունը դրանց նկատմամբ։
«Մենք տեսնում ենք, որ տարբեր որոշումներ ու բանաձևեր ուշադրության տարբեր մակարդակ են առաջացրել խոշոր ուժերի մոտ։ Ասենք՝ ՄԱԿ-ի Անվտանգության խորհրդի մի որոշում իրականացվում է մի քանի շաբաթվա ընթացքում, իսկ մեկ այլ որոշում արդեն 30 տարի լուրջ ուշադրության չի արժանացել, որը հակառակ կողմին՝ Հայաստանին սադրել է սառեցնել բանակցային գործընթացն ու «սադրանքներ իրականացնել»։
Ուզում եմ ասել, որ եթե միջազգային հանրությունը հետաքրքրված է աշխարհակարգով, ապա պետք է առաջին հերթին ուշադրություն դարձնի որոշումների կայացման ազնիվ ու արդար գործընթացին, երկրորդ՝ այդ որոշումների իրագործման հարգմանը»,- ասել է Ադրբեջանի ԱԳ նախարարը։
Էմմա Չոբանյան
