01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Ալիևի օգնականը հայտարարել է, որ Բաքուն շարունակում է «3+3» ձևաչափի ստեղծման շուրջ դիվանագիտական խողովակներով շփումները
04.11.2021 | 15:25
Բաքուն շարունակում է դիվանագիտական խողովակներով գործընկերների հետ քննարկել տարածաշրջանային համագործակցության «3+3» մեխանիզմի ստեղծման հարցը Անդրկովկասի երեք հանրապետությունների՝ Հայաստանի, Վրաստանի և Ադրբեջան, ինչպես նաև Ռուսաստանի, Թուրքիայի և Իրանի մասնակցությամբ։ Այս մասին ռուսական ՏԱՍՍ-ին հայտնել է Ադրբեջանի նախագահի օգնական, նախագահի աշխատակազմի արտաքին քաղաքականության հարցերով բաժնի ղեկավար Հիքմեթ Հաջիևը։
«Այդ ձևաչափը որոշում է տարածաշրջանում հետագա համագործակցության ուղղությունները։ Ներկայում այդ հարցով շփումներ են ընթանում դիվանագիտական խողովակներով։ Ընդհանուր առմամբ, Ադրբեջանն աջակցում է այդ գործընթացին։ Մենք պատրաստ ենք այդ ձևաչափի հիմքով շարունակել մեր քննարկումներն ու տարածաշրջանային համագործակցության նոր մեխանիզմ ստեղծել»,-ասել է Հաջիևը։
Հավելենք, որ Արցախյան երկրորդ պատերազմից հետո «3+3» տարածաշրջանային հարթակի ստեղծման գաղափարն առաջ են մղում Թուրքիան ու Ադրբեջանը, որոնց ակտիվորեն այս հարցում աջակցում է ՌԴ-ը։ Վրաստանը դեմ է արտահայտվել նման հարթակի ստեղծմանը։
Էմմա Չոբանյան
