27.11.2024 | 14:43
Դատախազության աշխատանքից գոհ քաղաքացիների թիվը 5 տոկոսով աճել է. դատախազ․ ՏԵՍԱՆՅՈՒԹ
Ռուսաստանն ու Չինաստանը քննարկել են Իրանի միջուկային ծրագիրը
Քաղաքականություն
04.11.2021 | 18:21
Ռուսաստանի Դաշնության և ՉԺՀ փոխարտգործնախարարներ Սերգեյ Ռյաբկովը և Մա Չժաոսյուն հեռախոսազրույց են ունեցել, որի ընթացքում պայմանավորվել են ամրապնդել երկու երկրների միջև ռազմավարական համագործակցությունը և համատեղ նպաստել իրանական միջուկային խնդրի կարգավորմանը՝ քաղաքական և դիվանագիտական միջոցներով, փոխանցում է ՌԻԱ Նովոստին։
«Չինաստանի Ժողովրդական Հանրապետության փոխարտգործնախարար Մա Չժաոյսուն նոյեմբերի 3-ին հեռախոսազրույց է ունեցել ՌԴ փոխարտգործնախարար Սերգեյ Ռյաբկովի հետ, կողմերը մտքեր են փոխանակել Իրանի միջուկային հիմնախնդրի շուրջ և հասել լայն կոնսենսուսի»,- ասվում է Չինաստանի ԱԳՆ հայտարարության մեջ։
Զրույցի ընթացքում դիվանագետներն ընդգծել են, որ իրանական ատոմային ծրագրի հետ կապված ներկայիս իրավիճակը գտնվում է կարևոր փուլում, և բոլոր կողմերը պետք է համատեղ ջանքեր գործադրեն՝ նպաստելու Գործողությունների համատեղ համապարփակ ծրագրի իրականացմանը վերադառնալու շուրջ բանակցությունների շուտափույթ վերսկսմանը։
Տաթև Ֆռանգյան
