27.11.2024 | 15:36
Թուրքիան ամրապնդում է իր դերը որպես գլոբալ քաղաքականության դերակատար. Էրդողանը ողջունել է Լիբանանում հրադադարը
Աֆղանստանում երկու պայթյուն է որոտացել ոստիկանական տեղամասի մոտակայքում
Քաղաքականություն
03.11.2021 | 14:21
Աֆղանստանի Նանգահար նահանգի Ջելալեբադ քաղաքում երկու պայթյուն է որոտացել ոստիկանական տեղամասերից մեկի մոտակայքում։ Այս մասին հայտնում է Shamshad News-ը՝ հղում կատարելով սեփական աղբյուրներին։
«Ջելալաբադում երկու պայթյուն է գրանցվել»,- ասվում է հեռուստաալիքի Twitter-ի միկրոբլոգում։
Տեղեկությունը, սակայն, պաշտոնապես դեռևս չի հաստատվել։ Զոհերի մասին նույնպես տեղեկություններ չկան։
Garda-ի հաղորդմամբ էլ՝ զոհեր կան, սակայն հստակ թիվը հայտնի չէ։
Հիշեցնենք, որ երեկ Աֆղանստանի մայրաքաղաք Քաբուլի կենտրոնում որոտած երկու պայթյունների հետևանքով զոհվել է 19, վիրավորվել՝ 43 մարդ։ Պայթյունները գրանցվել են Վազիր-Աքբար-Խան թաղամասում գտնվող Մուհամմադ Դաուդ Խան հիվանդանոցի մոտ, որտեղ տեղակայված են նաև օտարերկրյա դիվանագիտական ներկայացուցչություններ։
Տաթև Ֆռանգյան
