Քաղաքականություն
03.11.2021 | 11:42«Ի տարբերություն Սերժ Սարգսյանի՝ Նիկոլ Փաշինյանն ընտրված առաջնորդ է»,-լրագրողների հետ ճեպազրույցում անդրադառնալով հարցադրմանը, թե ինչու են իշխանության ներկայացուցիչներն իրենց աշխատասենյակներում կախում Նիկոլ Փաշինյանի նկարը՝ այն դեպքում, երբ իշխանափոխության ժամանակ Սերժ Սարգսյանի նկարը դուրս էին նետում պատուհաններից՝ ասաց վարչապետի աշխատակազմի ղեկավար Արայիկ Հարությունյանը։
Հարությունյանը չպատասխանեց հարցին, թե աշխատելիս նայո՞ւմ է Փաշինյանի լուսանկարին, թե՞ ոչ:
Անդրադառնալով հարցին, թե ինչու այդպես էլ գաղտնի մնաց, թե ովքեր էին ֆինանսավորել այս տարվա Անկախության տոնի միջոցառումը, Արայիկ Հարությունյանը նշեց․ «Ժողովուրդը մեծագույն հաճույք ստացավ այն միջոցառումից, որը տեղի ունեցավ։ Գումարները եղել են մասնավոր միջոցներ։ ՀՀ բյուջեից ծախսվել է զրո դրամ։
«Դոմինո պրոդաքշն»-ն անուններ չի տվել, որովհետև հիմնականում ինքն է ներգրավել այդ միջոցները և ինքն է որոշում՝ անուններ հրապարակի, թե ոչ»։
Մանրամասները՝ տեսանյութում:
