25.08.2026 | 20:13
Ռոբերտ Քոչարյանի կալանքի հարցը կքննեն բժշկական հետազոտություններից հետո
Հայաստանում կորոնավիրուսի դեմ պատվաստվել է շուրջ 20 հազար օտարերկրացի
02.11.2021 | 15:04
Հայաստանում կորոնավիրուսի դեմ պատվաստումների մեկնարկից ի վեր անվճար հիմունքներով պատվաստվելու հնարավորություն ունեն նաև օտարերկրացիները։
Factor.am-ը գրավոր հարցմամբ դիմել էր Առողջապահության նախարարություն՝ տեղեկանալու, թե մինչ օրս պատվաստված քաղաքացիներից քանիսն են ՀՀ քաղաքացիներ և քանիսը՝ օտարերկրացիներ։
Նախարարությունը մեզ պատասխանել է՝ ներկայացնելով հոկտեմբերի 26-ի տվյալներ, սակայն չնշելով պատվաստումների ընդհանուր թիվը՝ այդ օրվա դրությամբ։ Ըստ հարցման պատասխանի՝ այդ օրվա տվյալներով Հայաստանում իրականացված պատվաստումների 2,9 տոկոսը բաժին է ընկնում օտարերկրացիներին, 97,1 տոկոսը՝ ՀՀ քաղաքացիներին։
COVID-19-ի դեմ պատվաստումների մեկնարկից ի վեր հոկտեմբերի 24-ի դրությամբ կատարվել է 677032 պատվաստում, որից առաջին դեղաչափ` 466785, երկրորդ դեղաչափ` 210247։
Առողջապահության նախարությանն ուղղված մեր գրավոր հարցման պատասխանում ներկայացված տվյաները համադրելով վերոնշյալի հետ՝ ստացվում է, որ Հայաստանում մինչ օրս կորոնավիրուսի դեմ պատվաստում է ստացել շուրջ 20 հազար օտարերկրացի։
Արփի Հակոբյան
